Vedasandesha 1
Vedasandeśa 1
- Language
- Sanskrit
1.2
dhyāyaṃ dhyāyamahaṃ devaṃ sarvalokasamāśrayam
vedasandeśa labdhākhyaṃ grathnāmi granthamujjvalam
1.3
vṛttaṃ yat triṣu varṇanaṃ sakutukaṃ kāyātmaceto'nugam
āttastat kṛpayā tavaiva bhagavan bhāgaścaturtho'pyayam
etatpāṭhavidhūtasaṃśayamalāḥ sarve suguptāḥ kila
pūjyeśe tvayi vaddhapeśaladhiyastattve ratāḥ syuḥ sadā
1.4
astīti pravadanti kevalagirā loke manuṣyāḥ prabhuṃ
yatsatyaṃ na viduḥ pratītiviṣayaṃ yāṃthārthyasandhānataḥ
tasmād vādavivādakauśalatatiḥ saṃhāradakṣā kila
jñājñānāṃ samameva duḥkhakaraṇī kolāhale kāraṇam
1.5
vede kecidāhurarthavilayaṃ māyāvini brahmaṇi
nānādevavidhānavādavidhurā anye bhrameyurbhṛśam
satyāsatyavinirṇayastu kaṭhino vādāśca vādāḥ kila
vedābhyāsasatatau rataiva dhiṣaṇā vedāntasiddhāntagā
1.6
viśveśo vitanotu nirmaladhiyāṃ bhūnāyakānāṃ ruciṃ
saddharme vinaye svakīrttivitatau vidyāpracāre śubhe
nyāyyācāravicārasārarucirā nītiḥ sadā vardhatāṃ
tyaktvānyadvyasanaṃ śrutivyasanino vijñā bhaveyurjanāḥ