Vaidikakosha (Madhusudana Mishra) 11
Vaidikakośa (Madhusūdana Miśra) 11
- Language
- Sanskrit
Contents
- 11.6-2 — 1 part
11.1
vargā ime daivadivyanaradharmmakriyāvyayaiḥ
naigamadvayanānārthairbṛhaddevatayāpi ca
11.2
etaistu daśabhirvargairnighaṇṭūktā yathāyatham
gṛhītāḥ ślokabandhena śabdāḥ prāyeṇa vaidikāḥ
11.3
itītthaṃ mādhusūdanyā sarasvatyā prasannayā
samīttacakravartinyā maṇimālā pravartitā
11.4
santi yadyapi bhūyāṃsaḥ śabdā anye'pi vaidikāḥ
tathāpīha nighaṇṭūktāḥ sarve tāvatpradarśitāḥ
11.5
tena me bhagavān vedapuruṣaḥ parameśvaraḥ
prasīdatu sadetyevamāśāse madhusūdanaḥ
11.6
mithilāpaścimabhāge
śrīkṣetrasyātisannidhau puṇye
yo gāḍhāsaṃsthāne'labhata śrīvaidyanāthato janma
11.7
bhāratapaścimabhāge
puṣkaratīrthātisannidhau puṇye
jayapurarājadvāre'labhata mahīpālato'bhyarhām
11.8
vayasaḥ paścimabhāge
vedamahātīrthasannidhau puṇye
kṛtadhīḥ śrīmaghusūdanaśarmmā so'kṛta sarasvatīmālām
11.6-2
mālāpaścimabhāge
vidyātīrthātisannidhau puṇye
manaso yogaṃ kurvan
sukhataḥ sarvaṃ labheta vedārtham
11.6-2.p1
iti sarasvatīmaṇimālākhyo vaidikaśabdakośaḥ
śrīrastu
śubhamastu