[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 131.2 # Yāska's Nirukta 131.2 Ṛjvarthā (Niruktavṛtti) 131.2 - **Language:** Sanskrit ### [131.2](https://indike.org/pramana/in.vedanga.nirukta.yaska!durga.131.2) "ruśat (52) ”- ityanavagatam | "rocaterjvalatikarmaṇaḥ" - iti nirvacanam | "rocanam"-ityavagamaḥ || "abòdhi hotā̍ yajathāya̍ de̱vānū̱rdhvo a̱gniḥ su̱manā̍ḥ prā̱tara̍sthāt | sami̍ddhasya ruśa̍ddadṛśe pājo̍ ma̱hānde̱vastama̍so nira̍moci || (ṛ0 saṃ0 3, 8, 12, 2)"- iti || gaviṣṭhirabudhayorā rṣam | āgneyī | triṣṭup | agnicayane iṣṭakopadhāne viniyuktā | 'abodhi hotā' budhyate hotā 'agniḥ' 'yajathāya' yajamānāya, yaṣṭavyatayā 'devān' | 'ūrdhvaḥ' jvalanakriyāyogāt | 'prātaḥ asthāt' agnihotriṇāṃ gṛheṣu yo vitiṣṭhate, 'sumanāḥ' ca śobhanamanāḥ | "samiddhasya" ca yasya "ruśat" rociṣṇuvarṇaḥ "adarśi" dṛśyate | "pājaḥ" ca balaṃ yasya 'apramitam' yaśca prabhāvataḥ 'mahān' | 'tamasaḥ' ca sarvamidaṃ 'niramoci' nirmocayati, budhyate devān yaṣṭavyatayā || evamagnyadhikārādatra śabdasārūpyācca "ruśat"- "iti" etat "varṇanāma" - ityupapadyate | 6 | 13 | - [Previous: 130.1](https://indike.org/pramana/in.vedanga.nirukta.yaska!durga.130.1) - [Next: 132.1](https://indike.org/pramana/in.vedanga.nirukta.yaska!durga.132.1) - [Up: 131](https://indike.org/pramana/in.vedanga.nirukta.yaska!durga.131) ## Linked texts (1) - [Nirukta](https://indike.org/pramana/in.vedanga.nirukta.yaska.6.13) — Yāska, Sanskrit --- Source: [https://indike.org/pramana/in.vedanga.nirukta.yaska!durga.131.2](https://indike.org/pramana/in.vedanga.nirukta.yaska!durga.131.2) · Pramāṇa