<!-- Pramāṇa, a library of Indian primary sources · https://indike.org/pramana/in.vedanga.nirukta.yaska!durga.145 -->

[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 145

# Yāska's Nirukta 145

Ṛjvarthā (Niruktavṛtti) 145

- **Language:** Sanskrit

### [145.1](https://indike.org/pramana/in.vedanga.nirukta.yaska!durga.145.1)

“turīpam ( 89 )”–ityanavagatam | “tūrṇāyi”–ityavagamaḥ | ‘udakam’–abhidheyam, taddhi tūrṇamāpnoti | “tanna̍sturīpa̱0-nābhā̍no asmayuḥ || ( ṛ0 saṃ0 2, 2, 11, 4 )”–iti || dīrghatamasa ārṣam | tvāṣṭrī | anuṣṭup | āprī-sūkte | “tat naḥ turīpam” tadasmākaṃ turīpamudakam, “adbhutaṃ” ca “mahat” ityarthaḥ | “adbhutaḥ, barhiṣṭhaḥ”–iti mahannāmasu paṭhitam | “puruvāraṃ” ca bahudeśāntaramāvṛṇotyudakam,  
"purutmanā" bahātmanā | yadevaṃ lakṣaṇamudakam, tat naḥ asmākaṃ "nābhā" nābhau madhye "tvaṣṭā" "viṣyatu" vimuñcatu varṣabhāvena | "asmayuḥ" asmān anugrahītuṃ "kāmayamānaḥ" "rāye poṣāya" "dhanasya poṣāya" ityarthaḥ, varṣe hi sati paśavaḥ puṣyaṃti | athavā-nābhānaḥ-ityetat tvaṣṭureva viśeṣaṇaṃ syāt, "nābhānaḥ" na adīpyamānaḥ, kiṃ tarhi ? dīpyamāna eva viṣyatu || evamatra mādhyamikastvaṣṭeti viṣyamityanena samba ndhāt, "turīpam = udakam"-ityupapadyate |

## Linked texts (1)

- [Nirukta](https://indike.org/pramana/in.vedanga.nirukta.yaska.6.21) — Yāska, Sanskrit

---
Source: [https://indike.org/pramana/in.vedanga.nirukta.yaska!durga.145](https://indike.org/pramana/in.vedanga.nirukta.yaska!durga.145) · Pramāṇa
