[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 166 # Yāska's Nirukta 166 Ṛjvarthā (Niruktavṛtti) 166 - **Language:** Sanskrit ### [166.2](https://indike.org/pramana/in.vedanga.nirukta.yaska!durga.166.2) “ulbam ( 131 )”-ityanavagatam | “jarāyu”-ityavagamaḥ | “ūrṇoteḥ”-iti dhātunirdeśaḥ| “ūrṇam”-iti syāt| “vṛṇotervā”syāt, tena hi garbha āvṛto bhavati|| ‘“mahattadulbaṃ sthaviraṃ tadāsīdyenāviṣṭitaḥ praviveśithāpaḥ | viśvā̍ apaśyadbahu̱dhā te̱ agne̍ jātavedasta̱nvo̍ de̱va eka̍ḥ||(ṛ.saṃ.8,1,10,1)”-iti|| “mahat” parimāṇataḥ, “tat” “ulbaṃ” jarāyu 'āsīt’ “sthaviraṃ” cirantanañca “tadāsīt” ‘yena’ tvam ‘āveṣṭitaḥ’ āvṛttaḥ, he bhagavan ! agne ! 'praviveśitha’ praviṣṭavānasi pūrvvam ādisarge ‘apaḥ’ kiñca, ‘viśvāḥ’ sarvāḥ ‘tanvaḥ’ tava, he 'jātavedaḥ !’ 'bahudhā’ anekeṣu abhidhāneṣu varttamānāḥ ‘apaśyat’ ‘ekaḥ devaḥ’ prajāpatiḥ, ko'nyastataḥ tava tanūnāmantaṃ vettumarhatītyabhiprāyaḥ || evamatra“jarāyuḥ” “ulba”-śabdenocyate, oṣaṣṭanasambandhādityupapadyate | 6 | 35 | ## Linked texts (1) - [Nirukta](https://indike.org/pramana/in.vedanga.nirukta.yaska.6.35) — Yāska, Sanskrit --- Source: [https://indike.org/pramana/in.vedanga.nirukta.yaska!durga.166](https://indike.org/pramana/in.vedanga.nirukta.yaska!durga.166) · Pramāṇa