[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 167.4 # Yāska's Nirukta 167.4 Ṛjvarthā (Niruktavṛtti) 167.4 - **Language:** Sanskrit ### [167.4](https://indike.org/pramana/in.vedanga.nirukta.yaska!durga.167.4) tatpunaretat sarvamapi mantrārthidaivatalakṣaṇamanuktyā na śakyaṃ vyākhyātum, mantrādhīnatvāt sarvasyāsya, ato mantradaivatalakṣaṇavididhārayipayā bravīti, “yatkāma ṛṣiyasyāṃ devatāyāmārthapatyamicchan stutiṃ prayuṅkte taddevataḥ sa mantro bhavati” | yadarthimsa kāmayamānaḥ, ṛṣiḥ yasyāṃ devatāyām abhiṣṭutāyām, ārthapatyam arthapatigānamātmanaḥ icchan amuṣyāḥ devatāyāḥ prasadenāhamamuṣyārthasya patirbhagviṣyāmītyetāṃ vṛddhiṃ purodhāya stuti prayuṅkte, “taddevataḥ” eva “sa mantraḥ” arthāt bhavati | etat mantre devatā lakṣaṇam | etena lakṣaṇena sarvamantreṣu devatāpekṣyā || athavā devatāyāmasyārthasyeyaṃ devatā dātuṃ samartheti jānānaḥ stutiṃ prayuṅkte yena mantreṇa, sā pradhānastutibhāgadevatā | sā punariyaṃ stutiḥ caturvidhā,-nāmā, bandhubhiḥ, karmaṇā, rūpeṇati, “stutirnāma rūpakarmabandhubhiḥ”-ityuktam | 7 | - [Previous: 167.3](https://indike.org/pramana/in.vedanga.nirukta.yaska!durga.167.3) - [Next: 167.5](https://indike.org/pramana/in.vedanga.nirukta.yaska!durga.167.5) - [Up: 167](https://indike.org/pramana/in.vedanga.nirukta.yaska!durga.167) ## Linked texts (1) - [Nirukta](https://indike.org/pramana/in.vedanga.nirukta.yaska.7.1) — Yāska, Sanskrit --- Source: [https://indike.org/pramana/in.vedanga.nirukta.yaska!durga.167.4](https://indike.org/pramana/in.vedanga.nirukta.yaska!durga.167.4) · Pramāṇa