[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 185 # Yāska's Nirukta 185 Ṛjvarthā (Niruktavṛtti) 185 - **Language:** Sanskrit ### [185.2](https://indike.org/pramana/in.vedanga.nirukta.yaska!durga.185.2) idānīmutsargaṃ darśayati prayojanārtham,-"tadetadekameva jātavedasyaṃ gāyatraṃ tṛcam"-ityādi || taditi daśatayīṣvasyānusmṛtaye parokṣanirdeśaḥ | etaditi pra nūnamityetayā sannidhīkṛtyopadiśati | gāyatramiti cchandonirdeśo vivakṣitaprayojanārthaḥ | tṛcamiti etatsūktasya saṅkhyānirdeśaḥ | daśatīṣu sarvāsvapīti nirdhāraṇe saptamī, “vidyate” asti || tataḥ kiṃ yadyetadaivakaṃ jātavedasyaṃ gāyatraṃ tṛcaṃ daśatīṣu vidyate ? śṛṇu-bahubhiretairgāyatracchandoyuktairjātavedasyairmantrairvidyate prayojanamasti | na caite bahavaḥ santi sarvāsapi daśatīṣvetadaivakaṃ tṛcaṃ muktvā || tatra kiṃ kartavyam ? | iti - “yattu kiñcidāgneyam” mantrajātam, gāyatre eva cchandāsa ajātavedoliṅgamapi, “tat” “jātavedasānām” mantrāṇāṃ “sthāne” vini-“yujyate” śāstreṇa | tena kiṃ sthitaṃ bhavati ? agnirava jātavedā iti, karmapṛthaktvāt māhābhāgyādvā iti, itarathā hi prayogavaikalyaṃ syāt | na cānyaddevatamanyasya sthāne prayujyate | yathā cāyamanarthāntaramagnirjātavedā etasmād vidhiliṅgāt, tathā vaiśvānaraprabhṛtayo'pītyupekyam | 7 | 20 | ### [185.3](https://indike.org/pramana/in.vedanga.nirukta.yaska!durga.185.3) “sa na manyeta”-iti pūrvavad vicāraḥ || kevalam “abhipravantu” ityatrāgnipradīvacāre agniśabdo viśeṣya āsīt, jātavedaḥśabdo'sya guṇapadamiti, iha tu jātavedaḥśabdavicāre punaḥ “abhipravantu”-ityasminnevopātte mantre guṇapadamagniśabdo jātavedaḥśabdasyetyetāvadupekṣyam || yathā tu pūrvasmin “samudrādūrmiḥ” - iti ādityasyāgnitvopapattāvudāharaṇam, tatheha“atha asau ādityaḥ, - udutyaṃ jātavedasam ( ṛ0 saṃ0 1, 4, 6, 1 )”-iti jātavedastvopapattau | tadetat pratipadamudāharaṇam “upariṣṭād vyākhyāsyāmaḥ”“jātavedasaṃ sūryamudvahantīti tu viśeṣaṇaviśeṣyasāmānādhikaraṇaikavākyaprasiddhyā svanigamasiddhamasmin mantre jātavedāḥ sūryaḥ”-iti | tasmāt suṣṭūktaṃ yat “sa na manyeta ayam eva agniḥ” jātavedāḥ iti | 7 | 20 | ### [185.20](https://indike.org/pramana/in.vedanga.nirukta.yaska!durga.185.20) "yaḥ tu sūktaṃ bhajate, yasmai haviḥ nirupyate, ayam eva saḥ agniḥ jātavedāḥ"iti pūrvavat prasiddhirava viśeṣahetuḥ || yadyapi mantradarśanamaviśiṣṭaṃ trayāṇāmapi jyotiṣāṃ jātavedastve, tathāpi pārthivo'gniritarayoḥ prasiddhyā viśeṣyate, jātavedastvaṃ hi yathā prasiddhamasminnagnau, na tathā vaidyute, nāpi sūrye iti || "nipātamevaite uttare jyotiṣī" "etena" jātavedā ityetena "nāmadheyena bhajete" iti vyākhyātam | 7 | 4 || ## Linked texts (1) - [Nirukta](https://indike.org/pramana/in.vedanga.nirukta.yaska.7.21) — Yāska, Sanskrit --- Source: [https://indike.org/pramana/in.vedanga.nirukta.yaska!durga.185](https://indike.org/pramana/in.vedanga.nirukta.yaska!durga.185) · Pramāṇa