<!-- Pramāṇa, a library of Indian primary sources · https://indike.org/pramana/in.vedanga.nirukta.yaska!durga.205 -->

[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 205

# Yāska's Nirukta 205

Ṛjvarthā (Niruktavṛtti) 205

- **Language:** Sanskrit

### [205.1](https://indike.org/pramana/in.vedanga.nirukta.yaska!durga.205.1)

"ahi̍riva bho̱gaiḥ 0 (ṛ0 sa0 5, 1, 21, 4)"-iti | yo'yam “ahiriva bhogaiḥ" sarpa iva kuṭilabhāvaiḥ, sarpagrāhakasya bāhuṃ sarpeṇeva "paryeti” “pariveṣṭayati" "bāhum” dhanuṣmataḥ puruṣasya | "jyāyā hetiṃ paribādhamānaḥ” | "jyāyā vadhān" jyāghātāt bāhu sarvatastrāyamāṇaḥ tadarthatvāt tasya | so'yamevandharmā "hastaghnaḥ" "pumān” iva purumanā iva, kaścidāptaḥ prajñānabahulaḥ "pumāṃsam” etaṃ dhanuṣmantam “paripātu viśvataḥ” sarvaprakāraṃ sarvataḥ pātu-ityetadāśāsmahe || ( atha "pumān” kasmāt ? “purumanāḥ” ) striyamapekṣyālpamanaskāṃ puruṣe bahutaraṃ manaḥ || "puṃsateḥ vā” puruṣārthasya, pauṃsyamiti yasya balanāma bhavati |

### [205.2](https://indike.org/pramana/in.vedanga.nirukta.yaska!durga.205.2)

"dundubhiḥ (8 )"-iti | asya yo'bhidheyaḥ, tasya "śabdānukaraṇam" ātmano nāmadheyapratilambhanimittam, yathaivāsāvabhihanyamānaḥ śabdaṃ karoti dundubhiriti tadeva tasya nāma || "drumo bhinna iti vā"| drumaśabdāt pūrvapadam, bhideruttarapadam, tatsambhavo hyasau drumaikadeśaniṣkuṣitaścarmaṇā pinaddhaḥ |  
"tasya eṣā bhavati"--||.

## Linked texts (1)

- [Nirukta](https://indike.org/pramana/in.vedanga.nirukta.yaska.9.15) — Yāska, Sanskrit

---
Source: [https://indike.org/pramana/in.vedanga.nirukta.yaska!durga.205](https://indike.org/pramana/in.vedanga.nirukta.yaska!durga.205) · Pramāṇa
