[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 22 # Yāska's Nirukta 22 Ṛjvarthā (Niruktavṛtti) 22 - **Language:** Sanskrit ### [22.1](https://indike.org/pramana/in.vedanga.nirukta.yaska!durga.22.1) ādityasambandhenaiva "raśmināmānyuttarāṇi pañcadaśa" | 15 | ### [22.2](https://indike.org/pramana/in.vedanga.nirukta.yaska!durga.22.2) "raśmiryamanāt" udakasya aśvānāṃ vā | 15 | ### [22.3](https://indike.org/pramana/in.vedanga.nirukta.yaska!durga.22.3) "teṣāṃ" "pañca" yāni "āditaḥ" tāni "sādhāraṇāni" "aśvaraśmibhiḥ" || katamāni punastāni ? "khedyaḥ, kiraṇāḥ"- ityevamādīni | khe dayante khe gacchanti iti khedyaḥ, || kiraṇāḥ, te hi vikṣiptā bhavanti | 15 | ### [22.4](https://indike.org/pramana/in.vedanga.nirukta.yaska!durga.22.4) "diṅnāmānyuttarāṇyaṣṭau" | ādityopalakṣaṇā eva hi diśa ityādityanāmabhyaḥ uttarāṇi diṅnāmāni || kiyanti punastāni ? aṣṭau 8|| kāni punastāni ? "ātāḥ, āśāḥ, uparāḥ"- ityevamādīni | ātāḥ, āgatā hyetāstaṃtamarthaṃ prati bhavanti | āśāḥ, abhyaśnuvate hyetāḥ sarvameva yadasti kiñcit | uparāḥ, sarvameva hyetā upagamya ratā bhavantītyuparāḥ | 15 | ### [22.5](https://indike.org/pramana/in.vedanga.nirukta.yaska!durga.22.5) āha-"diśaḥ kasmāt" ? "diśateḥ" atisarjanārthasya (tu0 u0), atisṛjyante hyāsra havirādīni devatānām || athavā "āsadanāt" taṃtamarthaṃ pratyetā āsannā bhavanti || "api vābhyaśanāt" abhyaśnuvate hyetāstaṃtamartham | 15 | ### [22.6](https://indike.org/pramana/in.vedanga.nirukta.yaska!durga.22.6) '"tatra kāṣṭhā ityetadanekasyāpi sattvasya nāma bhavati" tatra tasminnaṣṭake diṅnāmagaṇe kāṣṭhā ityetannāmānekasyāpi sattvasya bhavati | 15 | ### [22.7](https://indike.org/pramana/in.vedanga.nirukta.yaska!durga.22.7) tadyathā,-"kāṣṭhā diśo bhavanti" | āha,-kiṃ kāraṇam ? iti | ucyate,"krāntvā sthitā bhavanti" krāntvā hyetāstaṃtamarthaṃ prati gatvā sthitā bhavanti, nahi tadasti, yatremā na santi | 15 | ### [22.8](https://indike.org/pramana/in.vedanga.nirukta.yaska!durga.22.8) “kāṣṭhā upadiśo bhavanti” | “itaretaraṃ krāntvā sthitā bhavanti” tā api hīteretaraṃ krāntvā digbhiḥ sākaṃ sthitā bhavanti | 15 | ### [22.9](https://indike.org/pramana/in.vedanga.nirukta.yaska!durga.22.9) “ādityo'pi kāṣṭhocyate” | “krāntvā sthito bhavati” asāvapi svasthānaṃ krāntvā gatvā sthito bhavati | 15 | ### [22.10](https://indike.org/pramana/in.vedanga.nirukta.yaska!durga.22.10) “ājyanto'pi kāṣṭhocyate | krāntvā sthito bhavati” | ājyanto'pi śarapathāntaḥ kāṣṭhocyate, asāvapi svapradeśaṃ krāntvā gatvā sthito bhavati | 15| ### [22.11](https://indike.org/pramana/in.vedanga.nirukta.yaska!durga.22.11) “āpo'pi kāṣṭhā ucyante” | tāṃ punardvayyaḥ, – sthāvarāścāsthāvarāśca | tatra “krāntvā” gatvā jalāśayamyetāḥ “sthitā bhavantīti sthāvarāṇām” kāṣṭhātvam | asthāvarāṇāṃ punaḥ krāmante caitāḥ, na kvacit tiṣṭhantīti kāṣṭhā medhyā āpaḥ | 15| mantro'pi caitasminnevārthe bhavati— ## Linked texts (1) - [Nirukta](https://indike.org/pramana/in.vedanga.nirukta.yaska.2.15) — Yāska, Sanskrit --- Source: [https://indike.org/pramana/in.vedanga.nirukta.yaska!durga.22](https://indike.org/pramana/in.vedanga.nirukta.yaska!durga.22) · Pramāṇa