[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 243 # Yāska's Nirukta 243 Ṛjvarthā (Niruktavṛtti) 243 - **Language:** Sanskrit ### [243.1](https://indike.org/pramana/in.vedanga.nirukta.yaska!durga.243.1) "mitro janā̍n yātayati bruvāṇaḥ0 ( ṛ0 saṃ0 3, 4, 5, 1 )"-iti | viśvāmitrasyārṣam | avavṛṣṭahome prāyaścittam | agnihotre pūrvasyāmāhutau viniyogaḥ | “mitro janānyātayati bruvāṇaḥ” | āyātayati • kṛṣyādiṣu pravartayati, tatkarmapūrvakatvāt kṛṣyādikarmaṇām, na hyavṛṣṭau kṛṣyādīni āyātyante | āyātanamārambhaḥ | tadyathābhojanamāyā titamaneneti | kathamāyātayati ? “prabruvāṇaḥ” stanayitnu "śabdaṃ kurvan” | evaṃ pravarttayan karmasu oṣadhīrutpādayan yajñadvāreṇa | sa eva "mitraḥ” "dādhāra" “dhārayati” “pṛthivīm” pṛthivīlokanivāsinaḥ sarvān | “uta” “dyāṃ” dhārayati, amunā prakāreṇa anugṛhṇan | saḥ “mitraḥ” “kṛṣṭīḥ” manuṣyān “animiṣābhicaṣṭe” “animiṣannabhivipaśyati” upakāradvāreṇa, yo hi yaismā upakaroti, sa tena samyag dṛṣṭo bhavati | yo'yamevamupakārapravṛttaḥ kṛtsnasya lokasya, tasmai “mitrāya” “havyam” “ghṛtavat” ghṛtonmiśram “juhota” juhuta he manuṣyāḥ ! || “kṛṣṭayaḥ-iti manuṣyanāma” | tat kasmāt ? nityaṃ hi te karmavanto bhavanti, ārambhaśīlatvāt | “vikṛṣṭadehāḥ vā” saṃsṛṣṭadehāḥ anye paśavaḥ, gavādayaḥ, te hi na kāmakārato'ṅgāni prasārayituṃ śaknuvanti, sa teṣāṃ saṅkarṣaḥ, manuṣyāstu kāmataḥ prasārayantyaṅgāni, sa teṣāṃ vikarṣo dehasya | 10 | 22 | ### [243.2](https://indike.org/pramana/in.vedanga.nirukta.yaska!durga.243.2) "mitraḥ ( 13 )" kasmāt ? sa hi "pramīteḥ trāyate" | pramītiḥ pramaraṇam, tataḥ sarvalokaṃ trāyate varṣadvāreṇa | 10 | 21 | ### [243.3](https://indike.org/pramana/in.vedanga.nirukta.yaska!durga.243.3) "saṃminvāno dravati iti vā" samantato minvānaḥ udakena dravati antarikṣaloke | 10 | 21 | ### [243.4](https://indike.org/pramana/in.vedanga.nirukta.yaska!durga.243.4) "medyateḥ vā" snehnārthasya, sarvaṃ hyasāvudakena snehayati | 10 | 21 | "tasya eṣā bhavati"-|| ## Linked texts (1) - [Nirukta](https://indike.org/pramana/in.vedanga.nirukta.yaska.10.22) — Yāska, Sanskrit --- Source: [https://indike.org/pramana/in.vedanga.nirukta.yaska!durga.243](https://indike.org/pramana/in.vedanga.nirukta.yaska!durga.243) · Pramāṇa