Yāska's Nirukta 254

254.1

“prajā̍pate̱ na0 ( ṛ0 saṃ 8, 7, 4, 5 | ya0 vā0 saṃ 10, 20-23, 65 )”iti | prājāpatyasya hiraṇyagarbhasyārṣam | pitṛyajña upasthāne viniyuktā, rājasūye ca viniyogo home | he “prajāpate !” “na tvat anyaḥ” na kaścidapi “etāḥ” “etāni” sarvadevatārūpāṇi “paribabhūva” parigṛhya bhavati, tvamevaitāni sarvāṇi sarvataḥ parigṛhya sarvato bhavasi | yata evaṃ tvāṃ vayaṃ sarvato vibhūtaṃ paśyāmaḥ sarvasyeśānam, ato brūmaḥ“yatkāmaḥ te” yenayena yuktāḥ santo vayaṃ tubhyaṃ “juhumaḥ” “tat naḥ astu” sa kāmo'smākaṃ tvadanudhyānāt samṛddhyatāṃ nityameva ca | “vayaṃ syāma patayo rayīṇām” | rayīṇāṃ dhanānāṃ patayaḥ-“iti” iyam aparā “āśīḥ” dvitīyā, yatkāmā iti prathamā | athavā-“āśīḥ”--iti ācāryo darśayati iyaṃ mantragataiva, yatrāpi na syāt tatrāpyadhyāhāryeti, stutyāśiṣornityasambandhāditi |
10 |
43 |