<!-- Pramāṇa, a library of Indian primary sources · https://indike.org/pramana/in.vedanga.nirukta.yaska!durga.255 -->

[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 255

# Yāska's Nirukta 255

Ṛjvarthā (Niruktavṛtti) 255

- **Language:** Sanskrit

### [255.1](https://indike.org/pramana/in.vedanga.nirukta.yaska!durga.255.1)

“abjāmukathaiḥ0 (ṛ0 saṃ0 5, 3, 26, 6)”-iti| vāśiṣṭhasya parāśarasyārṣam| daśarātrasya caturthe'hani vaiśvadeve viniyogaḥ| he stotaḥ! tvametam “ahim” “abjām” “apsujam” udakajanmānam “ukthaiḥ” “gṛṇīṣe” stauṣi| “budh‍ne” “nadīnāṃ” “nadanānām” apāṃ bandhane etasminnantarikṣe, varttamānaṃ “rajaḥsu sīdan” udakeṣu labdhavyeṣu nimittabhūteṣu etasmin karmaṇi aṅgabhāvamupagacchan |  
“mā no'hirbudhnyaḥ0 (ṛ0 saṃ0 5, 3, 26, 7)”-iti| pūrvayā samānaṃ sarvamiti| “mā” asmān “ahirbudhnyaḥ” “riṣe” “dhāt” mā reṣaṇāya hiṃsanāya kasmaicit dhāt| kiñca, “mā yajño asya sridhadṛtāyoḥ” mā yajño'sya ṛtāyoḥ, asya yajamānasya yajñakāmasya mā sridhat mā sraṃsavat, nityamavināśena varttatemiti |

### [255.2](https://indike.org/pramana/in.vedanga.nirukta.yaska!durga.255.2)

“ahiḥ (29) ” “vyākhyātaḥ” nirvacanataḥ-“ahirayanāt” ( 2 |  
17 | 1 ) iti | iha tvabhidheyo madhyamaḥ |  
“tasya eṣā bhavati”--||  
“budh‍nam = antarikṣam, baddhā asmin dhṛtā āpaḥ”-iti| “idam api itarat” śarīraṃ budh‍namityucyate, “baddhā asmin dhṛtāḥ prāṇāḥ”-iti |

### [255.3](https://indike.org/pramana/in.vedanga.nirukta.yaska!durga.255.3)

“yaḥ ahiḥ, saḥ budhnyaḥ” etāvāṃstu viśeṣaḥ “budh‍nam = antarikṣam, tannivāsāt” “ahirbudhnyaḥ (30)” |  
“tasya eṣā bhavati”-||

## Linked texts (1)

- [Nirukta](https://indike.org/pramana/in.vedanga.nirukta.yaska.10.45) — Yāska, Sanskrit

---
Source: [https://indike.org/pramana/in.vedanga.nirukta.yaska!durga.255](https://indike.org/pramana/in.vedanga.nirukta.yaska!durga.255) · Pramāṇa
