[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 265.2 # Yāska's Nirukta 265.2 Ṛjvarthā (Niruktavṛtti) 265.2 - **Language:** Sanskrit ### [265.2](https://indike.org/pramana/in.vedanga.nirukta.yaska!durga.265.2) "ṛbhavaḥ (10)" kasmāt ? "uru bhānti-iti vā" te hi bahu bhānti dīpyante, uruśabdāt pūrvapadam, bhāteruttarapadam | "ṛtena bhānti-iti vā" yajñena satyena vā bhānti, tadevottarapadam, pūrvapade vikalpaḥ | '"ṛtena bhavanti-iti vā" bhavatervottarapadam, te hi ṛtena satyena vā bhavanti, yajñena vā bhavanti, bhūtvo devatvena sarve yujyante | 11 | 15 | "teṣām eṣā bhavati"-|| "viṣṭvī śamī0 (ṛ0 saṃ0 1, 7, 30, 4 )"-iti | kutsasyeyamārṣam | ārbhave viniyogaḥ || "viṣṭvī" "śamī"-iti dve api karmanāmanī | yato'jāmitāyai bhāṣyakāraḥ pūrvaṃ tāvat nirāha- "kṛtvā" iti | kiṃ kṛtvā ? "śamī" "karmāṇi" katham ? "taraṇitvena" "kṣipratvena " kṣiprakāritvena, sarvayajñasampaddarśanena | " vāghataḥ " "voḍhāraḥ" yajñasyānuṣṭhātāraḥ, medhāvino vā, na hyamedhāvinaḥ saṃvatsareṇa sakalaṃ karma samāpayituṃ śaktāḥ, te tu saṃvatsare'khilaṃ kṛtvā "marttāsaḥ" manuṣyāḥ "santaḥ" "amṛtatvam" amṛtabhāvaṃ devatvam "ānaśuḥ" "ānaśire" prāptavantaḥ | ke punaste ? "saudhanvanāḥ" sudhanvanaḥ putrāḥ, "ṛbhavaḥ" "sūracakṣasaḥ" "sūrakhyānāḥ", sūryavikhyātāḥ, sūryasamānadarśanāḥ, sūryasamānaprekṣāḥ vā | yata īdṛśāste ataḥ "saṃvatsare" saṃvatsarāvayave vasa- ntādikāle “samapṛcyanta” samayujyanta, “dhītibhiḥ” “karmabhiḥ” ataśca devā abhavanniti | 11 | 16 | 1 || “ṛbhuḥ, vibhvā, vājaḥ- iti sudhanvanaḥ āṅgirasasya trayaḥ putrāḥ babhūvuḥ”iti | ārbhavāṇāṃ mantrāṇāṃ svabhāvopapradarśanārthamāha- “teṣāṃ prathamottamābhyām” ṛbhuṇā vājena ca “bahuvannigamāḥ bhavanti” “na madhyamena” vibhvā, sa hi ārbhavāṇāṃ mantrāṇāṃ svabhāvaḥ | 11| 16| - [Previous: 264.2](https://indike.org/pramana/in.vedanga.nirukta.yaska!durga.264.2) - [Next: 265.3](https://indike.org/pramana/in.vedanga.nirukta.yaska!durga.265.3) - [Up: 265](https://indike.org/pramana/in.vedanga.nirukta.yaska!durga.265) ## Linked texts (1) - [Nirukta](https://indike.org/pramana/in.vedanga.nirukta.yaska.11.16) — Yāska, Sanskrit --- Source: [https://indike.org/pramana/in.vedanga.nirukta.yaska!durga.265.2](https://indike.org/pramana/in.vedanga.nirukta.yaska!durga.265.2) · Pramāṇa