[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 280 # Yāska's Nirukta 280 Ṛjvarthā (Niruktavṛtti) 280 - **Language:** Sanskrit ### [280.1](https://indike.org/pramana/in.vedanga.nirukta.yaska!durga.280.1) "baḷitthā parvvatānāṃ0 (ṛ0 saṃ0 4,4,29,1)"-iti | atrerārṣam || "baṭ"iti satyanāma | "itthā"-iti amutretyarthaḥ | he "pṛthivi" mādhyamiphe ! "satyaṃ" yathābhūtam, tvam "amutra" amuṣminnantarikṣaloke varttamānā, "khidraṃ" "khedanaṃ" "chedanam" yena parvatāḥ meghāṃśchettuṃ śakyante, tat "balaṃ" "bibharṣi" "dhārayasi" | he "pratvati" "pravaṇavati" gamanavati ! "yā" tvaṃ "bhūmiṃ" "prajinoṣi" "prajinvasi" varṣamutsṛjantī, "mahnā" "mahattvena" he 'mahini" "mahati!" athavā"udakavati !" | yā tvamevaṃ bhūmiṃ prajinvasi, sā kathaṃ na "meghānāṃ" parvvatānāṃ, chedanasamarthaṃ balaṃ dhārayiṣyasi ? avaśyaṃ dhārayasītyabhiprāyaḥ || pṛthivi ! tvaṃ bhūmiṃ prajinvasīti vyapadeśānmadhyasthānā | hiraṇyanāmneṣṭyāṃ bhaumasyaikakapālasyeyaṃ yājyā | tatra vijñāyate-"atha yadbhaumo'syāṃ hi sa tadavindat"-iti | tena tatreyaṃ bhūmirijyate, na ca bhūmirasyāmṛci pradhānatvena varttate, yathā cāyamācāryo nirāha | tadayamasyodāharaṇābhiprāyaḥ, sa ca viniyogaḥ,-ityavirodho'nayormedhāvinā samanugaṃsyate | 11 | 37 | ### [280.2](https://indike.org/pramana/in.vedanga.nirukta.yaska!durga.280.2) "pṛthivī (26)" "vyākhyātā" = "atha vai darśanena pṛthu.” ( 1 | 14 | 5 ) ityatra, iha tu mādhyamikā | 11 | 36 | • "tasyā eṣā bhavati" - || ## Linked texts (1) - [Nirukta](https://indike.org/pramana/in.vedanga.nirukta.yaska.11.37) — Yāska, Sanskrit --- Source: [https://indike.org/pramana/in.vedanga.nirukta.yaska!durga.280](https://indike.org/pramana/in.vedanga.nirukta.yaska!durga.280) · Pramāṇa