[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 282 # Yāska's Nirukta 282 Ṛjvarthā (Niruktavṛtti) 282 - **Language:** Sanskrit ### [282.1](https://indike.org/pramana/in.vedanga.nirukta.yaska!durga.282.1) "tasyāṃḥ samudrā adhi̱ virkṣaranti0 (ṛ0 saṃ0 2, 3, 22, 2)"-iti | aliṅgo mantra iti cet ! tasyā ityetadeva liṅgamanvādiśyate sambandhādvacoḥ, tasmātsāliṅgaḥ | "tasyāḥ" gauryāḥ "adhi" sakāśāt "samudrāḥ" meghāḥ "vikṣaranti" "varṣanti" | "tena" udakena "jīvanti" "pradiśaścatasraḥ" dikpratidinivāsīni "bhūtāni" tena̍ jīvanti | "tataḥ kṣaratyakṣaram" punaḥpunaḥ pratisaṃvatsaram, tata eva kṣaratyudaka meghadvāreṇa| "tat" "viśvam" bhūtajātaṃ "upajīvati”|| evaṃ saiva sarvodakeśānā gaurītyabhiprāyaḥ || "udakam" "akṣaram"-ityucyate | tatkasmāt ? taddhi sarvamidamabhivyajyayat "kṣarati", sarvamidaṃ sacarācaraṃ sañcarati | 11 | 41 | ### [282.2](https://indike.org/pramana/in.vedanga.nirukta.yaska!durga.282.2) "gaurī (28)" "rocateḥ"jvalatyarthasya | mādhyamikā vāk, sā punaḥ dīptimatī | 11 | 39 | ### [282.3](https://indike.org/pramana/in.vedanga.nirukta.yaska!durga.282.3) "ayamapītaraḥ" yo "gauro varṇaḥ" so'pi "etasmādeva" rocateḥ, sa hi dīptirūpatvāt kṛṣṇādīnapekṣya "praśasyo bhavati" | 11 | 39 | "tasyāḥ eṣā bhavati"-|| gaurīrmimīte salilāni takṣatī kurvatyekapadī madhyamena, dvipadī madhyamena cādityena ca, catuṣpadī digbhiḥ, aṣṭāpadī digbhiścāvāntaradigbhiśca, navapadī digbhiścāvāntaradigbhiścādityena ca, sahasrākṣarā bahūdakā parame vyomane | 1 | 40 || "gaurīrmimāya0 (ṛ0 sa0 2, 3, 22, 1 | atha0 saṃ0 9, 26, 21)"iti | asyavāmīye dīrghatamama ārṣam || "gaurī" sarvamidaṃ nirmimīte | katham ? "salilāni takṣatī" "kurvatī" udakapūrvakatvāt sarvarnirmāṇasya | kathamudakāni kurvatī ? "ekapadī" "babhūvurṣa" ekapadī bhavati, "madhyamena" sahaikatvamāpannā,"dvipadī" "madhyamena cādityena ca" | "catuṣpadī" "digbhiḥ", anapekṣyendrādityo | "aṣṭāpadī" "digbhiścāvāntaradigbhiśca" | "navapadī" "digbhiścāvāntaradigbhiśca" saha "ādityena ca" | "sahasrākṣarā" "bahūdakā" | "parame" "vyoman" "vyavane" vibhaktānāṃ bhūtānāṃ yatparamamavyakktamekam ; sarvabhāvānām vibhakta eka ātmā, yastadātmanaiva bhūtānā salilanirmāṇadvāreṇa sarvamidaṃ nirmimīte | 11 | 40 | 1 || "tasyāḥ eṣā aparā bhavati"-sā punaḥ kimartham ? iti-gaurīti guṇābhidhānam, prasiddhābhidheya chandasi devatāyām, yataḥ parayā samardhayati-|| ## Linked texts (1) - [Nirukta](https://indike.org/pramana/in.vedanga.nirukta.yaska.11.41) — Yāska, Sanskrit --- Source: [https://indike.org/pramana/in.vedanga.nirukta.yaska!durga.282](https://indike.org/pramana/in.vedanga.nirukta.yaska!durga.282) · Pramāṇa