[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 296 # Yāska's Nirukta 296 Ṛjvarthā (Niruktavṛtti) 296 - **Language:** Sanskrit ### [296.1](https://indike.org/pramana/in.vedanga.nirukta.yaska!durga.296.1) \[ “tvaṣṭā-(6)” tvaṣṭā hi viśvakarmā| so'pyanayaivolyate ṛcā || \] “tvaṣṭā̍ duhi̱tre0 (ṛ0 saṃ0 8, 6, 13, 1)”-iti| pūrvayaiva samānārṣaṃ viniyogaśca || “tvaṣṭā” devo viśvakarmā yaṃ purāṇavido vadanti, saḥ “duhitre” “duhituḥ” “vahatuṃ” “vahanaṃ” vivāhaṃ “karotīti” “idaṃ viśvaṃ” “bhuvanaṃ” bhūtajātaṃ vivāhadarśanaprepsayā “sameti” sa hi vivāhānāṃ svabhāvaḥ| “yamasya mātā” bhaviṣyatā yogenocyate, “paryuhyamānā” paryūḍhā, yamaṃ ca yamīṃ ca janayitvā, tataḥ “mahaḥ” “mahataḥ” “jāyā” “vivasvataḥ” devasya jāyā bhāryā hitvā apatye mithunāvāśvaṃ rūpaṃ kṛtvā “nanāśa” iti || nairuktapakṣe tu “tvaṣṭā”-madhyamaḥ, tamobhāgasya uṣasaḥ “duhitre” duhituḥ dūre hitāyāḥ prakāśarūpāyāḥ “vahatuṃ” “vahanaṃ” vivasvataḥ “karoti”| “idaṃ viśvaṃ bhuvanaṃ sameti” prabhātamiti matvā “sarvāṇi bhūtāni” svāsumukhāsvitikarttavyatāsu abhisamāgacchanti | “yamasya mātā paryuhyamānā” yamasya madhyamasya mātā devadharmeṇa, athavā-dyusthānasya yaiva jāyā sā māteti | jāyate'syāṃ putratvena patiḥ “jāyā” bhāryā, “mahato vivasvataḥ” prakāśena protsāryamāṇā “nanāśa” naśyati| saṅkṣepato bhāṣyakāro'rtha nirāha-“rātrirādityasya” uṣā jāyā, sā “ādityasyodaye'ntardhīyate”iti | 12 | 11 | ## Linked texts (1) - [Nirukta](https://indike.org/pramana/in.vedanga.nirukta.yaska.12.11) — Yāska, Sanskrit --- Source: [https://indike.org/pramana/in.vedanga.nirukta.yaska!durga.296](https://indike.org/pramana/in.vedanga.nirukta.yaska!durga.296) · Pramāṇa