[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 301 # Yāska's Nirukta 301 Ṛjvarthā (Niruktavṛtti) 301 - **Language:** Sanskrit ### [301.1](https://indike.org/pramana/in.vedanga.nirukta.yaska!durga.301.1) “vaiśvānaraḥ (12)” vaktavyaḥ | sa punareṣaḥ “vyākhyātaḥ” abhidhānavyutpattitaḥ,“pratyutaḥ sarvāṇi bhūtāni ( 7 | 21 | 1 )”-iti, iha tu niyamato dyusthānaḥ | 12 | 20 | “tasyaiṣa nipāto bhavatyaindrāgnyāmṛci”-|| "viśvāna̍rasya̱ vaspatiṃ0 (ṛ0 saṃ0 6, 5, 1, 4 | sā0 saṃ0 cha0 ā0 4, 2, 3, 5 ) "-iti | "ā tvā rathaṃ yathotaye"-ityetasminnaindre sūkte priyamadhena dṛṣṭe niṣkevalye viniyogaḥ || "viśvānarasya" "ādityasya" "anānatasya" "śavasaḥ" anānatajyotirbalasya anabhibhūtaprakāśasyāntyairjyotirbhiḥ balapatiṃ pātāraṃ rakṣitāramindram asmin yajñe "vaḥ" yuṣmākamarthasiddhaye āhvayāmaḥ | kena ! iti-"evaiśca" "kāmairayanaiḥ" "carṣaṇīnāṃ" "manuṣyāṇām" "avanaiḥ" gamanaiḥ taṃ prati nimittabhūtaiḥ | "ūtī" "ūtyā ca" "pathā" yena mārgeṇa raṃhaṇā raśmaya imaṃ lokamāgacchanti, tena pathā bhavatāmahamindramāhvayāmi || "viśvānarasya vaspatim"-iti patiśabdenendravācinā vyapadeśāt ṣaṣṭhyantasya viśvānaraśabdasya dyusthānavācitve sāmarthyamupapadyate | 12 | 21 | ## Linked texts (1) - [Nirukta](https://indike.org/pramana/in.vedanga.nirukta.yaska.12.21) — Yāska, Sanskrit --- Source: [https://indike.org/pramana/in.vedanga.nirukta.yaska!durga.301](https://indike.org/pramana/in.vedanga.nirukta.yaska!durga.301) · Pramāṇa