[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 307 # Yāska's Nirukta 307 Ṛjvarthā (Niruktavṛtti) 307 - **Language:** Sanskrit ### [307.1](https://indike.org/pramana/in.vedanga.nirukta.yaska!durga.307.1) "pāvīravī tanyatu0 (ṛ0 saṃ0 8, 2, 11, 3 ) " - iti | vasukarṇasyārṣam | vaiśvadeve śastre viniyogaḥ || "paviḥ śalyo bhavati"| kasmāt ? "yad" "vipunāti" vidārayati "kāyam" tena śalyenaṃ "tadvat pavīramāyudham"| ro matvarthe | tena śalyavatā āyudhena "tadvānindraḥ pavīravān" || yathā caitadevaṃ tathaiṣa nigamaḥ- "atitasthau pavīravān"-iti | "yo janā̍n mahi̱ṣāṃ ī̍vāti̱ ta̱sthau pa̍vīra̱vān | u̱vārpa̍vīravā̱n yu̱dhā || ( ṛ0 saṃ0 8, 1, 24, 3 ) "-iti | viprabandhorārṣam || 'yaḥ' indraḥ 'mahiṣān' atimahato'pyasurajanān 'yudhā' yuddhena "ati" atītya "tasthau" tiṣṭhati "pavīravān" āyudhavān | api ca 'apavāravān' anāyudha ityarthaḥ | sāyudho nirāyudhaśca nityamasurajanān mahato'pi atitiṣṭhati yaḥ, sa idaṃ nāmāsmākaṃ karotviti || "taddevatā vāk pāvīravī" sa indro yasyā mādhyamiqāyā vāco devatā, saindrī vāk pāvīravī, "tanyatuḥ" "tanitrī" tanayitrī "vāco'nyasyāḥ" | tadyuktaṃ-"tāṃ viśvarūpāḥ paśavo vadanti" | sā ca "divyā vāk" "ajaścaikapāt divo dhāra- yitā” | etadatra dyusthānatvam ajasyaikapadaḥ | “sindhuśca” nadaḥ, “āpaśca” samu driyāḥ, “viśve devāḥ” “sarve ca devāḥ” “śṛṇavan” “śṛṇvantu” “imāni vacanāni” stutilakṣaṇāni | kiṃ vacanānyeva ? na, kiṃ tarhi ? “saha dhībhiḥ” “karmabhiḥ” havirdānayuktaiḥ sahitāni | “sarasvatī” “ca” śṛṇotu “purandhyā” “saha” bahudhātryā, mādhyamikayā vācā-ityetadāśāsmahe || nirvacanasyāsyāmṛcyuttare pāde samyak pāṭho'nveṣyaḥ | 12 | 30 | ### [307.2](https://indike.org/pramana/in.vedanga.nirukta.yaska!durga.307.2) “aja ekapāt (18)”—iti vaktavyam | sa punaḥ ayamādityaḥ nityam, “ajanaḥ” gamanaḥ “ekaḥ” ca “pādaḥ” brahmaṇaḥ || vijñāyate hi—“agniḥ pādo vāyuḥ pāda ādityaḥ pādo diśaḥ pādaḥ” iti | “ekena pādena pātīti vā” | sarvamidaṃ jagat ekenāṃśenānupraviśya pāti rakṣati svāpakāle prāṇātmanā'nnaṃ pacannajanaścetyaja ekapāt | “ekena pādena pibatīti vā” | ekenāṃśenodakaṃ sarvasmājjagataḥ pivatyajanaścetyaja ekapāt || atha “vā” ajano gamanaḥ, “eko'sya pāda iti” aja ekapāt | jīvabhūto'sya kṛtsne jagati ekaḥ pādo'nupraviṣṭaḥ | nigamo'pi hi bhavatyevāsminnarthe— “ekaṃ pādaṃ notkhiṃdati saliilāddhaṃsa uccaran | sa cettamuddharedaṅga na mṛtyurnārmamṛtaṃ bhavet” || “ekam” ātmanaḥ “pādam” aṃśaṃ “notkhidati” noddharati iti ādityo ‘haṃsaḥ’ mahatastamaso bādhvano vā hantā | kutaḥ punarnotkhidati ? ‘saliilāt’ sanmātre brahmaṇi līnādetasmājjagataḥ, ‘uccaran’ ahanyahani udayannityarthaḥ | ‘sa cet’ ‘taṃ’ jīvabhūtamātmanaḥ pādametasmāt jagataḥ ‘uddharet’ tatastaduddharaṇasamakālameva ‘aṅga’ kṣipraṃ ‘na mṛtyurnārmṛtaṃ bhavet’—sarvvamidamavyapadeśyaṃ saidaiva syādityarthaḥ | 12| 29| “tasya eṣa nipāto bhavati” sādhāraṇyena “vaiśvadevyāmṛci”—|| ## Linked texts (1) - [Nirukta](https://indike.org/pramana/in.vedanga.nirukta.yaska.12.30) — Yāska, Sanskrit --- Source: [https://indike.org/pramana/in.vedanga.nirukta.yaska!durga.307](https://indike.org/pramana/in.vedanga.nirukta.yaska!durga.307) · Pramāṇa