<!-- Pramāṇa, a library of Indian primary sources · https://indike.org/pramana/in.vedanga.nirukta.yaska!durga.59 -->

[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 59

# Yāska's Nirukta 59

Ṛjvarthā (Niruktavṛtti) 59

- **Language:** Sanskrit

### [59.1](https://indike.org/pramana/in.vedanga.nirukta.yaska!durga.59.1)

"kāyamānaḥ ( 15 )" ityetadanavagatam | "cāyamānaḥ" - ityavagamaḥ, "kāmayamāna iti vā" || "kāryamāno vanā tvam" iti nigamaḥ (ṛ0 sa0 3, 1, 7, 2 ) | viśvāmitrasyeyamārṣam | bṛhatī | prātaranuvākāśvinayoḥ śasyate | he bhagavan ! - "agne"!"kāyamānaḥ" "cāyamānaḥ" paśyannityarthaḥ | athavā "kāmayamānaḥ" | kim ? svā yonim || katamām ? "vanā" "vanāni" dārūṇi | dārubhyo 'bhijāyate tadetat prasiddhamevoktam, yadā cāgniranugacchati araṇīvāvagacchati | "mātṛḥ" vā sarvabhūtanirmātrīḥ "apaḥ" sāpi yonirevāgneḥ | "āpo vā agneryoniḥ, --iti ha  
vijñāyate” | anayoryāṃnyoranyataraṃ yoniṃ “yat” yadā “ajagan” “āgamaḥ” “tvam” || kadā punaragamaḥ ? “upaśāmya-” –ityadhyāhṛtaṃ bhāṣyakāreṇa, anugacchannityarthaḥ || tasya tavaivamanu gacchataḥ kim ? iti | ucyate-“na” “tat” “te” “agne” | “pramṛṣe” “nivarttanaṃ-” “na pramṛṣyate” na pramṛjyate, nivarttanaṃ, vartma, mārgo na lupyata ityarthaḥ | kathaṃ gamyate na pramṛjyate mārgaḥ ? iti “dūre” api “san” adṛśyo'pi bhūtvā yasmāt “iha” punaḥ “bhavasi” eva | kadā ? “jāyamānaḥ” “yat” yadā adbhyo jāyase vaidyutātmanā, yadā vā araṇibhyāṃ jāyase madhyamānaḥ, tadā |

## Linked texts (1)

- [Nirukta](https://indike.org/pramana/in.vedanga.nirukta.yaska.4.14) — Yāska, Sanskrit

---
Source: [https://indike.org/pramana/in.vedanga.nirukta.yaska!durga.59](https://indike.org/pramana/in.vedanga.nirukta.yaska!durga.59) · Pramāṇa
