[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 67 # Yāska's Nirukta 67 Ṛjvarthā (Niruktavṛtti) 67 - **Language:** Sanskrit ### [67.1](https://indike.org/pramana/in.vedanga.nirukta.yaska!durga.67.1) "aprāyuvaḥ ( 37 )" ityetadanavagatam | "apramādyantaḥ"- ityevamarthapratītiḥ || "ā no̍ bha̱drāḥ krata̍vo yantu vi̱śvato'da̍bdhāso̱ apa̍rītāsa udbhida̍ḥ || de̱vā no̱ yathā̱ sada̱midvṛdhe asa̱nnaprā̍yuvo rakṣi̱tāro̍ di̱vedi̍ve || ( ṛ0 saṃ0 1, 6, 25, 1 )" iti nigamaḥ || gautamasyeyamārṣam | agniṣṭome mahāvrate tṛtīyasavane vaiśvadeve śastre śasyate || 'ā yantu' upayantu, asmākaṃ 'bhadrāḥ' nandanīyāḥ, stutyāḥ | 'kratavaḥ' somakratavaḥ, kāmā vā | 'viśvataḥ' sarvataḥ, sarvadaiva yathāvihiteṣu kāleṣu | 'adabdhāsaḥ' anupahatāḥ, aviguṇāḥ, kaiścidapi dasyubhiḥ 'aparītāsaḥ' apariprāptapūrvāḥ, asmacchatrubhiḥ || 'udbhidaḥ' ca uddhettāraḥ, eṣāṃ trayāṇāmā lokānām, yeṣāṃ phalenaitāna trīnapi lokānanvindemahi, te'tra āgacchantu | kiñca, tathā ca te'bhyarthamaviguṇā āgacchantu, 'yathā' taiḥ paritoṣitāḥ santaḥ "devāḥ" 'sadam' 'it' "sadā" eva nityamevāsmāka "varddhanāya" udyatāḥ 'asan' syurityarthaḥ, bhāṣye'pi "syuḥ" ityeṣa pāṭhaḥ 'aman' ityeṣa pramādapāṭhaḥ || "aprāyuvaḥ” "apramādyantaḥ" pramādamakurvāṇāḥ, amanumuhyamānā ityarthaḥ | varddhayitāraḥ "rakṣitāraḥ" ca | "divedive" ahūnyahani yathā syustathā te somakratavaḥ, saguṇāḥ kāmā vā āgacchantu | atra aprāyuvo rakṣitāraḥ iti rakṣitṛśabdena samānārthasaṃniveśyādaprāyuvaśadvasyāpramādārthatvam, rakṣaṇe hi satyapramādasyeṣṭatvāt | 4 | 19 | ## Linked texts (1) - [Nirukta](https://indike.org/pramana/in.vedanga.nirukta.yaska.4.19) — Yāska, Sanskrit --- Source: [https://indike.org/pramana/in.vedanga.nirukta.yaska!durga.67](https://indike.org/pramana/in.vedanga.nirukta.yaska!durga.67) · Pramāṇa