[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 77.2 # Yāska's Nirukta 77.2 Ṛjvarthā (Niruktavṛtti) 77.2 - **Language:** Sanskrit ### [77.2](https://indike.org/pramana/in.vedanga.nirukta.yaska!durga.77.2) “vāhiṣṭhaḥ ( 2 )” ityetadanavagatam | “voḍhṛtamaḥ”-ityavagamaḥ || “vāhiṣṭho vāṃ havānāṃ stomo dūto huvannarā | yuvābhyāṃ bhūtvaśvinā || ( ṛ0 saṃ0 6, 2, 29, 1)”-iti || gāyatrī | viśrśamanaso vaiyaśvasyeyamārṣam, piturvā vyaśvasya | prātaranuvākāśrvinayoḥ śasyate | 'narā' he narau ! sarveṣāmeva voḍhṝṇāṃ stomānām, āhvātṝṇāñca | ya eṣa eṣaḥ “vāhiṣṭhaḥ” atiśayena voḍhā, āhvātṛtamaḥ, ayameva “dūtaḥ” iva yuvāṃ “huvat” āhvayādityarthaḥ | yo'yamevalakṣaṇaḥ “stomaḥ” asmatpreritaḥ, sa nityakālameva ‘yuvābhyāṃ’ ‘bhūtu’ bhavatvityarthaḥ | he ‘aśvinā’ aśvinau ! iti sambodhanam | stomo dūtaḥ- ityetābhyāṃ samānavibhaktyantatvāt vāhiṣṭhaśabdaḥ stomaviśeṣaṇamityupapadyate || nigamaprasaktamucyate, “manuṣyāḥ” api hi “narāḥ” ucyante, te hi “nṛtyanti” gātrāṇi punaḥpunaḥ prakṣipanti “karmasu” upasthiteṣu tānyanutiṣṭhamānāḥ || “dūto ( 3 ) javatervā” gatyarthasya | sa hi gacchati | “dravatervā” gatyarthasyaiva | “vārayatervā” sa hi vārayatyanarthān | 5 | - [Previous: 77.1.12](https://indike.org/pramana/in.vedanga.nirukta.yaska!durga.77.1.12) - [Next: 77.3](https://indike.org/pramana/in.vedanga.nirukta.yaska!durga.77.3) - [Up: 77](https://indike.org/pramana/in.vedanga.nirukta.yaska!durga.77) ## Linked texts (1) - [Nirukta](https://indike.org/pramana/in.vedanga.nirukta.yaska.5.1) — Yāska, Sanskrit --- Source: [https://indike.org/pramana/in.vedanga.nirukta.yaska!durga.77.2](https://indike.org/pramana/in.vedanga.nirukta.yaska!durga.77.2) · Pramāṇa