[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Nirukta](https://indike.org/pramana/in.vedanga.nirukta.yaska) › [Rijvartha (Niruktavritti)](https://indike.org/pramana/in.vedanga.nirukta.yaska!durga) › 77.3 # Yāska's Nirukta 77.3 Ṛjvarthā (Niruktavṛtti) 77.3 - **Language:** Sanskrit ### [77.3](https://indike.org/pramana/in.vedanga.nirukta.yaska!durga.77.3) “vāvaśānaḥ( 4 )”-ityanavagatam | “vaṣṭervā” kāntyarthasya, “vāśyatervā” śabdārthasya vāvaśānaḥ syāt || "sapta svasūraruṣīrvāvaśāno vidvā̱nmadhva̱ ujja̍bhārā dṛśe kaṃ | a̱ntarya̍me a̱ntari̍kṣe pu̱rājā i̱cchanvavatri̱mavi̍datpū̱ṣaṇa̍sya̍ || ( ṛ0 saṃ0 7, 5, 33, 5 )"-iti || tritasyāptyasyeyamārṣam | āgneyī | triṣṭup | prātaranuvākāśvinayoḥ śasyate || "sapta" "svasṛḥ" svasāro bhaginya iva yā hyarciṣaḥ samānajanmatvāt | athavāsaha sarpaṇāt svasāraḥ, tā hi saha sarpanti "āruṣīḥ" ārocanāḥ, dīptā ityarthaḥ | yā evalakṣaṇāḥ arciṣaḥ, tāḥ, agniḥ "vāvaśānaḥ" kāmayamāno vāvaśyamāno vā, śabdaṃ kurvāṇaḥ saḥ 'vidvān' ātmīyamadhikāraṃ jānānaḥ, 'madhvaḥ' ghṛtasya haviṣaḥ pūrṇaḥ, 'ujjabhāra' ūrddhaṃ hṛtavāneṣāṃ lokānāṃ 'dṛśe kaṃ' darśanāyetyarthaḥ | evaṃ tā ūrddhaṃ hṛtvā darśanamabhivyajya janānām 'antaḥ' ādityasya madhye yadantarikṣaṃ tatra, 'yeme' tatropaniyamitvān taddhaviḥ 'purājāḥ' agniḥ, sa hi sarvadevebhyaḥ prathama eva jātaḥ | 'icchan' 'vavriṃ' rūpam | kasya ? 'pūṣaṇasya' pūṣṇaḥ, ādityasya | kathaṃ nāmāsāvādityo dīptarūpaḥ syāt ? ato'ntarādityasya yeme | taṃ cāsāvetamartham 'avidat' alabhata ityarthaḥ | sa eva dīptarūpa ādityaḥ saṃvṛtta ityabhiprāyaḥ || evamatra svasṛrvāvaśānaḥ-ityanena sāmānādhikaraṇyācchabdasārūpyācca vāvaśāna-ityasya kāntyarthatvaṃ śabdārthatvañca upapadyate | 5 | - [Previous: 77.2](https://indike.org/pramana/in.vedanga.nirukta.yaska!durga.77.2) - [Next: 77.4](https://indike.org/pramana/in.vedanga.nirukta.yaska!durga.77.4) - [Up: 77](https://indike.org/pramana/in.vedanga.nirukta.yaska!durga.77) ## Linked texts (1) - [Nirukta](https://indike.org/pramana/in.vedanga.nirukta.yaska.5.1) — Yāska, Sanskrit --- Source: [https://indike.org/pramana/in.vedanga.nirukta.yaska!durga.77.3](https://indike.org/pramana/in.vedanga.nirukta.yaska!durga.77.3) · Pramāṇa