Yāska's Nirukta 196
Niruktavṛtti 196
- Language
- Sanskrit
196.1
"tisrodevīḥ(10)"-iti padam | tāḥ punaretāḥ "tisraḥ”eva"devyaḥ” prathamāyā tā nirāha, tisra iti devīśabdasya viśeṣaṇam |
8 |
13 |
“tāsām eṣā bhavati” prādhānyastutiḥ-||
196.2
“ā no̍ ya̱jñaṃ bhāra̍tī0 (ṛ0 saṃ0 8,6,9, 2)” iti | ābhimukhyena asmākaṃ yajñamāgacchatu | kā punarasau ? iti | “bhāratī” “bharata ādityaḥ” sarvabhūtānyudakena bibhartti iti, “tasya” svabhūtā “bhāḥ” dīptiḥ | kathametu ? “tūryam” “kṣipram” | “ilā” “ca” pṛthivīsthānā | “ihaiveḷayā vasumatyā”-ityanuyājeṣu unnītasāmarthyāt pārthivatvāt | “manuṣvat” “manuṣyavat” “iha” karmaṇi “cetayantī” “cetayamānā” yathā manuṣyeṇa manuṣya āhūto bhoktumavilambamāna āgacchet, kṣipramevamāgacchatu, sā mameha karmaṇi havirbhoktavyamityevamarthaṃ jānānā | “sarasvatī” “ca” madhyasthānaivameva “cetayantī” āgacchatu | tā etāḥ “tisraḥ” api “devyaḥ” “svapasaḥ” “sukarmāṇaḥ” asmin 'karmaṇi “idaṃ barhiḥ” “syonaṃ” “sukhaṃ” prāpya etasmin ‘āsadantu’ “āsīdantu”-ityetadāśāsmahe |
8 |
13 |
Linked texts (1)
- Nirukta — Yāska, Sanskrit