<!-- Pramāṇa, a library of Indian primary sources · https://indike.org/pramana/in.vedanga.nirukta.yaska.6.8 -->

[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Etymology and Vedic lexicon](https://indike.org/pramana/in.vedanga.nirukta) › [Yāska's Nirukta](https://indike.org/pramana/in.vedanga.nirukta.yaska) › 6.8

# Yāska's Nirukta 6.8

Nirukta 6.8

- **Language:** Sanskrit

### [6.8](https://indike.org/pramana/in.vedanga.nirukta.yaska.6.8)

\`\`śrāyanta iva sūryam viśved indrasya bhakṣata/  
vasūni jāte janamāna ojasā prati bhāgam na dīdhima/(ṛV.8,99,3)''  
samāśritāḥ sūryam upatiṣṭhante/  
api vā upamārthe syāt sūryam iva indram upatiṣṭhanta iti/  
sarvāṇi indrasya dhanāni vibhakṣyamāṇāḥ sa yathā dhanāni vibhajati jāte ca janiṣyamāṇe ca tam vayam bhāgam audhyāyām aujasā balena/  
oja ojater vā ubjater vā/  
āśīr āśrayaṇād vā āśrapaṇād vā/  
atha iyam itarā āśīr āśāsteh/  
\`\`indrāya gāva āśiram''  
ity api nigamo bhavati/  
\`\`sā me satya āśīr deveṣu''  
ity api nigamo bhavati/  
\`\`sā me satya āśīr deveṣu''  
iti ca/  
\`\`yadā te marto anu bhogam ānaḷād id grasiṣṭha oṣadhīrajīgah''  
yadā te marto bhogam anvāpadatha grasitṛtama oṣadhīragārīh/  
jigartir girati karmā vā gṛṇāti karmā vā gṛhṇāti karmā vā/  
\`\`sūrā amūra na vayaṃś cikitvo mahitvam agne tvam aṅga vitse/''  
mūḍhā vayam smo amūḍhas tvam asi na vayam vidmo mahatvam agne tvam tu vettha/  
śaśamānaḥ śaṃsamānah/  
\`\`yo vām yajñaiḥ śaśamāno ha dāśati''  
ity api nigamo bhavati/  
\`\`devo devācyām kṛpā/''  
devo devān pratyaktayā kṛpā/  
kṛp kṛpater vā kalpater vā/

- [Previous: 6.7](https://indike.org/pramana/in.vedanga.nirukta.yaska.6.7)
- [Next: 6.9](https://indike.org/pramana/in.vedanga.nirukta.yaska.6.9)
- [Up: 6](https://indike.org/pramana/in.vedanga.nirukta.yaska.6)

## Commentaries (3)

- [Ṛjvarthā (Niruktavṛtti)](https://indike.org/pramana/in.vedanga.nirukta.yaska!durga.123.1) — Durgācārya, Sanskrit
- [Niruktaṭīkā](https://indike.org/pramana/in.vedanga.nirukta.yaska!skandasvamin) — Skandasvāmin & Maheśvara, Sanskrit
- [Niruktavivaraṇa](https://indike.org/pramana/in.vedanga.nirukta.yaska!mahesvaratirtha) — Maheśvaratīrtha, Sanskrit

## Linked texts (1)

- [Nighaṇṭu](https://indike.org/pramana/in.vedanga.nirukta.nighantu.107.39) — Yāska, Sanskrit

## Discussed in (4)

- [History of Dharmaśāstra (Ancient and Mediaeval Religious and Civil Law in India)](https://indike.org/pramana/ins.polity.kane-1930.v3.c37.12) — Kane 1930, English
- [Vedic Index of Names and Subjects](https://indike.org/pramana/ins.reference.macdonell-keith-1912.v1.c3.s1.251) — Macdonell & Keith 1912, English
- [Altindische Grammatik](https://indike.org/pramana/ins.literature.wackernagel-1896.v3.c9.3133) — Wackernagel & Debrunner 1896, German
- [A Vedic Concordance](https://indike.org/pramana/ins.reference.bloomfield-1906.c6.7556) — Bloomfield 1906, English

---
Source: [https://indike.org/pramana/in.vedanga.nirukta.yaska.6.8](https://indike.org/pramana/in.vedanga.nirukta.yaska.6.8) · Pramāṇa