Pramāṇa · Search · About · API

Nāradīyā Śikṣā 1.1

Nāradīyāśikṣā 1.1

Language
Sanskrit

Contents

1.1.1

nāradīyā śikṣā
athātaḥ svaraśāstrāṇāṃ sarveṣāṃ vedaniścayam
uccanīcaviśeṣāddhi svarānyatvaṃ pravarttate

1.1.2

ārcikaṃ gāthikaṃ caiva sāmikaṃ ca svarāntaram
kṛtānte svaraśāstrāṇāṃ prayoktavyaṃ viśeṣataḥ

1.1.3

ekāntarasvaro hyṛkṣu gāthāsu dvyantaraḥsvaraḥ
sāmasu tryantaraṃ vidyādetāvatsvarato'ntaram

1.1.4

ṛksāmayajuraṅgāni ye yajñeṣu prayuñjate
avijñānāddhi śāstrāṇāṃ teṣāṃ bhavati visvaraḥ

1.1.5

mantro hīnaḥ svarato varṇato vā mithyāprayukto na tamarthamāha
sa vāgvajro yajamānaṃ hinasti yathendraśatruḥ svarato'parādhāt

1.1.6

prahīṇaḥ svaravarṇābhyāṃ yo vai mantraḥ prayujyate
yajñeṣu yajamānasya ruṣatyāyuḥ prajāṃ paśūn

1.1.7

uraḥ kaṇṭhaḥ śiraścaiva sthānāni trīṇi vāṅmaye
savanānyāhuretāni sāma vāpyarthatontaram

1.1.8

uraḥ saptavicāraṃ syāttathā kaṇṭhastathā śiraḥ
na ca saptorasi vyaktāstathā prāvacano vidhiḥ

1.1.9

kaṭhakālāpapravṛtteṣu taittirīyāhvarakeṣu ca
ṛgvede sāmavede ca vaktavyaḥ prathamaḥ svaraḥ

1.1.10

ṛgvedastu dvitīyena tṛtīyena ca vartate
uccamadhyamasaṃghātaḥ svaro bhavati pārthivaḥ

1.1.11

tṛtīyaprathamakruṣṭān kurvantyāhvarakāḥ svarān
dvitīyādyāṃstu mandrāntāṃstaittirīyāścaturaḥ svarān

1.1.12

prathamaśca dvitīyaśca tṛtīyaśca caturthakaḥ
mandraḥ kruṣṭo hyatisvāra etānkurvanti sāmagāḥ

1.1.13

dvitīyaprathamāvetau tāṃḍibhāllavināṃ svarau
tathāśātapathāvetau svarau vājasaneyinām

1.1.14

eteviśeṣataḥ proktāḥ svarāvai sārvavaidikāḥ
ityetaccāritaṃ sarvaṃ svarāṇāṃ sārvavaidikam

1.1.14.p1

iti prathamā kaṇḍikā

Linked texts (3)