Pramāṇa · Search · About · API

Nāradīyā Śikṣā 1.2

Nāradīyāśikṣā 1.2

Language
Sanskrit

Contents

1.2.1

sāmavede tu vakṣyāmi svarāṇāṃ caritaṃ yathā
alpagranthaṃ prabhūtārthaṃ śravyaṃ vedāṅgamuttamam

1.2.2

tānarāgasvaragrāmamūrchanānāṃ tu lakṣaṇam
pavitraṃ pāvanaṃ puṇyaṃ nāradena prakīrtitam

1.2.3

śikṣāmāhurdvijātīnāmṛgyajuḥsāmalakṣaṇam
nāradīyamaśeṣeṇa niruktamanupūrvaśaḥ

1.2.4

saptasvarāstrayo grāmāmūrchanāstvekaviṃśatiḥ
tānā ekonapañcāśadityetatsvaramaṇḍalam

1.2.5

ṣaḍjaśca ṛṣabhaścaiva gāndhāro madhyamastathā
pañcamo dhaivataścaiva niṣādaḥ saptamaḥ svaraḥ

1.2.6

ṣaḍjamadhyamagāndhārāstrayo grāmāḥ prakīrtitāḥ
bhūrlokājjāyate ṣaḍjo bhuvarlokācca madhyamaḥ

1.2.7

svargānnānyatra gāndhāro nāradasya mataṃ yathā
svararāgaviśeṣeṇa grāmarāgā iti smṛtāḥ

1.2.8

viṃśatirmadhyamagrāme ṣaḍjagrāme caturdaśa
tānān pañcadaśecchanti gāndhāragrāmamāśritān

1.2.9

nandī viśālā sumukhī citrā citravatī mukhā
balā yā cātha vijñeyā devānāṃ sapta mūrchanāḥ

1.2.10

āpyāyanī viśvabhṛtā candrā hemā kapardinī
maitrī vārhatī caiva pitṝṇāṃ sapta mūrchanāḥ

1.2.11

ṣaḍjetūttaramandrā syādṛṣabhe cābhirudgatā
aśvakrāntā tu gāndhāre tṛtīyā mūrchanā smṛtā

1.2.12

madhyame khalu sauvīrā hṛṣyakā pañcame svare
dhaivate cāpivijñeyā mūrchanā tūttarāyatā

1.2.13

niṣādādrajanī vidyādṛṣīṇāṃ saptamūrchanāḥ
upajīvanti gandharvādevānāṃ saptamūrchanāḥ

1.2.14

pitṝṇāṃ mūrchanāḥ sapta tathā yakṣā na saṃśayaḥ
ṛṣīṇāṃ mūrchanāḥ sapta yāstvimā laukikāḥ smṛtāḥ

1.2.15

ṣaḍjaḥ prīṇāti vai devānṛṣīn prīṇāti carṣabhaḥ
pitṝnprīṇātigāndhāro gandharvānmadhyamaḥ svaraḥ

1.2.16

devān pitṝnnṛṣīṃścaiva svaraḥ prīṇāti pañcamaḥ
yakṣān niṣādaḥ prīṇāti bhūtagrāmaṃ ca dhaivata iti

1.2.16.p1

iti prathame dvitīyākaṇḍikā

Linked texts (1)