Nāradīyā Śikṣā 1.3
Nāradīyāśikṣā 1.3
- Language
- Sanskrit
Contents
- 1.3.14 — 1 part
1.3.3
kaṇḍikā
1.3.2
gānasya tu daśavidhā guṇavṛttistadyathā
raktaṃ pūrṇamalaṅkṛtaṃ prasannaṃ vyaktaṃvikruṣṭaṃ ślakṣṇaṃ samaṃ sukumāraṃ madhuramiti guṇāḥ1
tatra raktaṃ nāma veṇuvīṇāsvarāṇāmekībhāve raktamityucyate
1.3.3-2
pūrṇaṃ nāma svaraśrutipūraṇācchandaḥ pādākṣara saṃyogātpūrṇamityucyate
1.3.4
alaṅkṛtaṃ nāmorasi śirasi kaṇṭhayuktamityalaṅkṛtam
1.3.5
prasannaṃ nāmāpagatagadgadanirviśaṅkaṃ prasannamityucyate
1.3.6
vyaktaṃ nāma padapadārthaprakṛtivikārāgamalopakṛttaddhitasamāsadhātunipātopasargasvaraliṅgavṛttivārttikavibhaktyarthavacanānāṃ samyagupapādane vyaktamityucyate
1.3.7
vikruṣṭaṃ nāmoccairuccāritaṃ vyaktapadākṣaramiti vikruṣṭam
1.3.8
ślakṣṇaṃ nāmādrutamavilambitamuccanīcaplutasamāhārahelatāravopanayānādibhirupapādanādibhiḥ ślakṣṇamityucyate
1.3.9
samaṃ nāmāvāpanirvāpapradeśe pratyantarasthānānāṃ samāsaḥ samamityucyate
1.3.10
asukumāraṃ nāma mṛdupadavarṇasvarakuharaṇayuktaṃ sukumāramityucyate
1.3.11
madhuraṃ nāma svabhāvopanītalalitapadākṣara guṇasamṛddhaṃ madhuramityucyate
1.3.12
śaṅkitaṃ bhītamudghṛṣṭamavyaktamanunāsikam
kākasvaraṃ śirasigataṃ tathāsthāna vivarjitam
1.3.13
visvaraṃ virasaṃ caiva viśliṣṭaṃ viṣamāhatam
vyākulaṃ tāluhīnaṃ ca gītidoṣāścaturdaśa
1.3.14
ācāryāḥ samamicchanti padacchedantu paṇḍitāḥ
striyo madhuramicchanti vikruṣṭamitare janāḥ
1.3.14.p1
iti tṛtīyā kaṇḍikā
Linked texts (1)
- Nāradapurāṇa — Vyāsa, Sanskrit