Pramāṇa · Search · About · API

Nāradīyā Śikṣā 1.4

Nāradīyāśikṣā 1.4

Language
Sanskrit

Contents

1.4.1

padmapatraprabhaḥṣaḍjaṛṣabhaḥ śukapiṃjaraḥ
kanakābhastu gāndhāro madhyamaḥ kundasaprabhaḥ

1.4.2

pañcamastu bhavetkṛṣṇaḥ pītakaṃ dhaivataṃ viduḥ
niṣādaḥ sarvavarṇaḥ syādityetāḥ svaravarṇatāḥ

1.4.3

pañcamomadhyamaḥ ṣaḍjaityete brāhmaṇāḥ smṛtāḥ
ṛṣabho dhaivataścāpītyetau kṣatriyāvubhau

1.4.4

gāndhāraśca niṣādaśca vaiśyāvardhena vai smṛtau
śūdratvaṃ viddhi cārdhena patitatvānna saṃśayaḥ

1.4.5

ṛṣabhotthitaḥ ṣaḍjahato dhaivatasahitaśca pañcamo yatra
nipatati madhyamarāge tanniṣādaṃ ṣāḍavaṃ vidyāt

1.4.6

yadi pañcamo viramate gāndhāraścāntarasvaro bhavati
ṛṣabho niṣādasahitastaṃ pañcamamīdṛśaṃ vidyāt

1.4.7

gāndhārasyādhipatyena niṣādasya gatāgataiḥ
dhaivatasya ca daurvalyān madhyamagrāmamucyate

1.4.8

īṣatspṛṣṭo niṣādastu gāndhāraścādhiko bhavet
dhaivataḥ kaṃpito yatra ṣaḍja grāmaṃ tu nirddiśet

1.4.9

antarasvarasaṃyuktā kākalirpatra dṛśyate
taṃ tu sādhāritaṃ vidyātpañcamasthaṃ tu kaiśikam

1.4.10

kaiśikaṃ bhāvayitvā tu svaraiḥ sarvaiḥ samantataḥ
yasmāttu madhyame nyāsastasmātkaiśika madhyamaḥ

1.4.11

kākalirdṛśyate yatra prādhānyaṃ pañcamasya tu
kaśyapaḥ kaiśikaṃ prāha madhyamagrāmasambhavam

1.4.12

geti geyaṃ viduḥ prājñā dhetikārupravādanam
veti vādyasya vijñeyaṃ gāndharvasya virocanamiti

1.4.12.p1

iti caturthī kaṇḍikā

Linked texts (2)