[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Phonetics and recitation](https://indike.org/pramana/in.vedanga.siksa) › [Śikṣā treatises](https://indike.org/pramana/in.vedanga.siksa.siksa) › [Nāradīyā Śikṣā](https://indike.org/pramana/in.vedanga.siksa.siksa.naradiya) › 2.2 # Nāradīyā Śikṣā 2.2 Nāradīyāśikṣā 2.2 - **Language:** Sanskrit ## Contents - [2.2.18](https://indike.org/pramana/in.vedanga.siksa.siksa.naradiya.2.2.18) — 1 part ### [2.2.1](https://indike.org/pramana/in.vedanga.siksa.siksa.naradiya.2.2.1) ikārānte pade pūrva ukāre parataḥ sthite hrasvakampaṃ vijānīyānmedhāvī nātra saṃśayaḥ ### [2.2.2](https://indike.org/pramana/in.vedanga.siksa.siksa.naradiya.2.2.2) ikārānte pade caivokāradvayapade pare dīrghaṃ kampaṃ vijānīyācchragdhyūṣviti nidarśanam ### [2.2.3](https://indike.org/pramana/in.vedanga.siksa.siksa.naradiya.2.2.3) trayodīrghāstu vijñeyā ye ca sandhyakṣareṣu vai manyāpatryā na indrābhyāṃ śeṣā hrasvāḥ prakīrtitāḥ ### [2.2.4](https://indike.org/pramana/in.vedanga.siksa.siksa.naradiya.2.2.4) anekānāmudāttānāmanudāttaḥ pratyayo yadi śivakampaṃ vijānīyādudāttaḥ pratyayo yadi ### [2.2.5](https://indike.org/pramana/in.vedanga.siksa.siksa.naradiya.2.2.5) yatradviprabhṛtīnisyurudāttānyakṣarāṇi tu nīcaṃ coccaṃ ca paratastatrodāttaṃ vidurbudhāḥ ### [2.2.6](https://indike.org/pramana/in.vedanga.siksa.siksa.naradiya.2.2.6) na rephe vā hakāre vā dvirbhāvo jāyate kvacit na ca vargadvitīyeṣu na caturthe kadā cana ### [2.2.7](https://indike.org/pramana/in.vedanga.siksa.siksa.naradiya.2.2.7) na caturthaṃ tṛtīyena dvitīyaṃ prathamena tu ādyamantyaṃ ca madhyañca svākṣareṇaiva pīḍayet ### [2.2.8](https://indike.org/pramana/in.vedanga.siksa.siksa.naradiya.2.2.8) anantyaśca bhavet pūrvo'ntyaśca parato yadi tatra madhye yamastiṣṭhet sa varṇaḥ pūrvavarṇayoḥ ### [2.2.9](https://indike.org/pramana/in.vedanga.siksa.siksa.naradiya.2.2.9) vargāntyāñchaṣasaiḥ sārddhamantasthairnāpi sam̐yyutān dṛṣṭvā yamā nivarttanta ādeśikamivādhvagāḥ ### [2.2.10](https://indike.org/pramana/in.vedanga.siksa.siksa.naradiya.2.2.10) tṛtīyaśca caturthaśca caturthādiparaṃ padam dvau tṛtīyau hakāraśca hakārādi paraṃ padam ### [2.2.11](https://indike.org/pramana/in.vedanga.siksa.siksa.naradiya.2.2.11) anusvāropadhāmūlānāṃ na kvacit kramateparam rahapūrvasaṃyute cāpyuttaraṃ kramate'kṣaram ### [2.2.12](https://indike.org/pramana/in.vedanga.siksa.siksa.naradiya.2.2.12) saṃyoge svaritaṃ yatra codghātaiḥ patane yathā pūrvāṅgamāditaḥ kṛtvā parāṅgādau niveśayet ### [2.2.13](https://indike.org/pramana/in.vedanga.siksa.siksa.naradiya.2.2.13) saṃyoge yatradṛśyet vyañjanaṃ virate pade pūrvāṅgaṃ tadvijānīyādyenārambhastatparāṅgam ### [2.2.14](https://indike.org/pramana/in.vedanga.siksa.siksa.naradiya.2.2.14) saṃyogāttu paraṃ svaryaṃ paraṃ saṃyoganāyakam saṃyuktasya tu varṇasya svaritaṃ pūrvamakṣaram ### [2.2.15](https://indike.org/pramana/in.vedanga.siksa.siksa.naradiya.2.2.15) anusvāraḥ padāntaśca kramajaḥ pratyaye svake svarabhaktistathā rephaḥ sarvaṃ pūrvāṅgamucyate ### [2.2.16](https://indike.org/pramana/in.vedanga.siksa.siksa.naradiya.2.2.16) pādādau ca padādau ca saṃyogāvagraheṣu ca jaḥ śabda iti vijñeyo yo'nyaḥ sa ya iti smṛtaḥ ### [2.2.17](https://indike.org/pramana/in.vedanga.siksa.siksa.naradiya.2.2.17) padādāvapyavicchede saṃyogānte ca tiṣṭhatām varjjayitvā raharyāṇāmayādeśaḥ pradṛśyate ### [2.2.18](https://indike.org/pramana/in.vedanga.siksa.siksa.naradiya.2.2.18) svasaṃyukto gururjñeyaḥ sānusvārāgrimaḥ sphuṭaḥ aṇuśeṣo'dhrigorvāpi yugalādiravisphuṭaḥ ### [2.2.18.p1](https://indike.org/pramana/in.vedanga.siksa.siksa.naradiya.2.2.18.p1) iti dvitīyā kaṇḍikā ## Linked texts (3) - [Nāradapurāṇa](https://indike.org/pramana/in.purana.narada.1.50.143) — Vyāsa, Sanskrit - [Cārāyaṇīyaśikṣā](https://indike.org/pramana/in.vedanga.siksa.siksa.carayaniya.0.22) — Sanskrit - [Māṇḍūkīśikṣā](https://indike.org/pramana/in.vedanga.siksa.siksa.manduki.88) — Māṇḍūka, Sanskrit --- Source: [https://indike.org/pramana/in.vedanga.siksa.siksa.naradiya.2.2](https://indike.org/pramana/in.vedanga.siksa.siksa.naradiya.2.2) · Pramāṇa