Pramāṇa · Search · About · API

Nāradīyā Śikṣā 2.3

Nāradīyāśikṣā 2.3

Language
Sanskrit

Contents

2.3.1

yadudāttamudāttaṃ tadyatsvaritaṃ tatpade bhavati nīcam
yannīcannīcameva tadyatpracayaṃ tadapi nīcam

2.3.2

ayamagniḥ suto mitramidaṃ vayamayāvanāḥ
priyaṃ dūtaṃ ghṛtaṃ citramabhiśabdaśca nīcataḥ

2.3.3

arkeṣveva suteṣveva yajñeṣu kalaśeṣu ca
śateṣu sapavitreṣu nīcāduccāryate śrutiḥ

2.3.4

harivaruṇavaruṇyeṣu dhārā puruṣeṣu ca svarati rephaḥ
viśvānaro nakāreṣu śeṣārasvaritānarāḥ

2.3.5

dvau varuṇau vasvarita uduttamaṃ tvaṃ varuṇa
dhākāre corudhārāyāmurudhāreva dohane

2.3.6

mātrikaṃ vā dvimātraṃ vā svaryate yadihākṣaram
tasyādito'rddhamātrā vaiśeṣaṃ tu parato bhavet

2.3.7

adīrghaṃ dīrghavatkuryād dvisvaraṃ yatprayujyate
kampotsvaritābhigītaṃ hrasvakarṣaṇameva ca

2.3.8

nimeṣakālā mātrāsyāddvidyutkāleti cāpare
ṛksvarā tulyayogā vāmatiḥ syātsomaśarmaṇaḥ

2.3.9

samāse'vagrahaṃ kuryātpadaṃ cātrānusaṃhitam
yato'kṣarāditi karaṇaṃ padāntaṃ tasya taṃ viduḥ

2.3.10

sarvatra mitraputrasakhiśabdā adriśatakratoravagrahyāḥ
ādityaviprajātavedāśca satpatigopativṛtrahā samudrāśca

2.3.11

svaryuvo devayavaścārati devatātaye
cikitiścukrudhaṃ caivanāvagṛhṇanti paṇḍitāḥ

2.3.11.p1

iti tṛtīyā kaṇḍikā

Linked texts (2)