Nāradīyā Śikṣā 2.4
Nāradīyāśikṣā 2.4
- Language
- Sanskrit
Contents
- 2.4.9 — 1 part
2.4.1
vivṛttayaścatasro vai vijñeyā iti me matam
akṣarāṇāṃ niyogena tāsāṃ nāmāni me śrṛṇu
2.4.2
hasvārdivatsānusṛtā vatsānusāriṇī cāgre
pākavatyubhayorhrasvā dīrghā vṛddhā pipīlikā
2.4.3
catasṛṇāṃ vivṛttīnāmantaraṃ mātrikaṃ bhavet
arddhamātrikamanyeṣāmanyeṣāmaṇumātrikam
2.4.4
āpadyate makāro rephoṣmasu pratyayeṣvanusvāram
yalaveṣuparasavarṇaṃ sparśeṣu cottamāpattim
2.4.5
nakārānte pade pūrve svare ca parataḥ sthite
ākāraṃ raktamityāhurnakāreṇa tu rajyate
2.4.6
nakārānte pade pūrve vyañjanaiśca yavo hiṣu
arddhamātrā tu pūrvasya rajyate tvaṇumātrayā
2.4.7
nakāraḥ svarasaṃyuktaścaturyukto vidhīyate
rephoraṅgaśca lopaścānusvāro'pi vā kvacit
2.4.8
hṛdayāduttiṣṭhate raṅgaḥ kāṃsyena samaniḥsvaraḥ
mṛduścaiva dvimātraśca dadhanvām̐ iti darśanam
2.4.9
yathā saurāṣṭrikā nārī takram̐ ityabhibhāṣate
evaṃ raṅgaḥ prayoktavyo nāradasya mataṃ yathā
2.4.9.p1
iti caturthī kaṇḍikā
Linked texts (3)
- Nāradapurāṇa — Vyāsa, Sanskrit
- Māṇḍūkīśikṣā — Māṇḍūka, Sanskrit
- Pāṇinīyaśikṣā — Pāṇini, Sanskrit