Pramāṇa · Search · About · API

Nāradīyā Śikṣā 2.7

Nāradīyāśikṣā 2.7

Language
Sanskrit

Contents

2.7.1

pathyāpādaḥ prathamo dvādaśamātrastathā tṛtīyo'pi
aṣṭādaśo dvitīyaḥ samāpanaḥ pañcadaśamātraḥ

2.7.2

pathyālakṣaṇamuktaṃ yā tvanyā sā smṛtā vipulā

2.7.3

akṣarāṇāṃ laghuhrasvamasaṃyogaparaṃ yadi
tat saṃyogottaraṃ vidyād gururdīrghākṣarāṇi tu

2.7.4

vivṛttiryatra dṛśyeta svārasyaivāgrataḥ sthitā
guruḥ svāraḥ sa vijñeyaḥ kṣaiprastatra na vidyate

2.7.5

aṣṭaprakāraṃ vijñeyaṃ padānāṃ svaralakṣaṇam
antodāttamādyudāttamudāttamanudātaṃ nīcasvaritam

2.7.6

madhyodāttaṃ svaritaṃ dvirudāttamityetā aṣṭau padasaṃjñāḥ
agniḥ somaḥ pra vo vīryaṃ haviṣā svarvanaspatiḥ

2.7.7

antamadhyamayornāmnyudamanudanipāte
ādyāt svaritamupasarge dvirnīcamākhyāta iti

2.7.8

svaritātparāṇi yāni syurdhāryāṇyakṣarāṇi tu
sarvāṇi pracayasthānyupodāttaṃ nihanyate

2.7.9

pracayo yatra dṛśyeta tatra hanyāt svaraṃ budhaḥ
svaritaḥ kevalo yatra mṛduntatra nipātayet

2.7.10

pañcavidhamācāryakannāma mukhaṃ nyāsaḥkaraṇaṃ pratijñoccāraṇā
atrocyate śreyaḥ khalu vai sa pratijñānoccāraṇā

2.7.11

yasya kasyacidvarṇasya karaṇaṃ nopalabhyate
pratijñā tatra voḍhavyā karaṇaṃ hi tadātmakam

2.7.12

tumburunāradavasiṣṭhaviśvāvasvādayaśca gandharvāḥ
sāmasunibhṛtaṃ karaṇaṃ svarasaukṣmyātte'pi hi na kuryuḥ

2.7.12.p1

iti saptamī kaṇḍikā

Linked texts (3)