Elements of Hindu Iconography v3.c20.s2.t2: प्रथमावरणदेवाः ।

Elements of Hindu Iconography v3.c20.s2.t2

Language: English

प्रथमावरणदेवाः ।

v3.c20.s2.t2.1

तत्प्राच्यां पुरुषः प्राङ्मुखः श्वेताभः पीतवासाश्चतुर्भुजश्शङ्खचक्रधरस्सर्वाभरणभूषितः श्रीमेदिनीभ्यां संयुक्तः पुरुषः पुरुषात्मकं परमपुरुषं धर्ममयमिति ।

आग्नेय्यां कपिलः प्राङ्मुखः श्वेताभोऽष्टहस्तो दक्षिणे चैकहस्तेन अभयप्रदः अन्यैश्चक्रासिहलधरो वामे चैकहस्तेन कटिमवलम्ब्यान्यैश्च शङ्खचाप‡दण्डधरो रक्तवासा मकुटादिसर्वाभरणभूषितो गायत्री†सावित्रीसंयुक्तः कपिलः कपिलं मुनिवरं शुद्धं वेदरूपिणमिति ।

v3.c20.s2.t2.3

‡ पाशेति पाठान्तरम् । † एतदादर्शान्तरे न ।

v3.c20.s2.t2.4

दक्षिणे दक्षिणामुखोऽञ्जनाभो रक्ताम्बरधरश्चतुर्भुजशङ्खचक्रधरस्सर्वाभरणभूषितो धृतिपौष्णीभ्यां सहितस्त्यं सत्यात्मकं ज्ञानमयं संहारमयमिति ।

v3.c20.s2.t2.5

नैर्ऋत्यां पश्चिमाभिमुखस्तप्तचामीकराभश्चतुश्शृङ्गो द्विशीर्षस्सप्तहस्तशङ्खचक्रजदवीसुक्त्रुजुहूपधरस्त्रिपादो रक्तवस्त्रधरस्सर्वाभरणभूषितो दक्षिणवामयोस्स्वाहास्वाधायुक्तो यज्ञो यज्ञं सर्वदेवमयं पुण्यं क्रतुमिति ।

v3.c20.s2.t2.6

पश्चिमे पश्चिमाभिमुखश्चतुर्भुजस्सर्वाभरणभूषितः कनकाभः श्यामाम्बरधरः पवित्रिक्षोणीभ्यां युक्तोऽच्युतोऽच्युतमपरिमितैश्वर्यं श्रीपतिमिति ।

v3.c20.s2.t2.7

वायव्ये पश्चिमाभिमुखस्फटिकाभश्श्यामाम्बरधरोऽभयवरहस्तः श्रीवत्साङ्कस्सर्वाभरणभूषितः कमला The वनीभ्यां युक्तो नारायणो नारायणं जगन्नाथं देवदेवं त्रयीमयमिति ।

v3.c20.s2.t2.8

उत्तरे चोत्तराभिमुखः प्रवालाभोनवसप्तपञ्चफणान्वितानन्तोत्सङ्गे आसीनः पुष्पाम्बरधरस्सर्वाभरणभूषितश्चतुर्भुजश्शङ्खचक्रधरः प्रमोदायिनीमहीयुक्तोऽनिरुद्धोऽनिरुद्धं महान्तं वैराग्यं सर्वतेजोमयमिति ।

v3.c20.s2.t2.9

ऐशान्यां प्राङ्मुखस्तरुणादित्यसङ्काशश्चतुर्भुजः शङ्खचक्रधरः श्रीवत्सवक्षास्सर्वाभरणसंयुक्तः श्वेतवस्त्रोत्तरीयोपवीती दक्षिणवामयोरिन्दिराधरणीभ्यां युक्तः पुण्यः पुण्यं पुण्यात्मकं पुण्यमूर्तिं पुण्यदायिनमिति ।