Elements of Hindu Iconography v3.c20.s2.t3: द्वितीयावरणदेवाः ।
Elements of Hindu Iconography v3.c20.s2.t3
- Language
- English
द्वितीयावरणदेवाः ।
v3.c20.s2.t3.1
द्वितीयावरणे प्राच्यां वराहः प्राङ्मुखश्श्यामाभश्चतुर्भुजश्शङ्खचक्रधरस्सर्वाभरणभूषितो रक्ताम्बरो वराहननः श्रीभूमिभ्यां सहितो वराहो वराहं वरदं भूमिसन्धारणं वज्रदंष्ट्रमिति ।
v3.c20.s2.t3.2
आग्नेय्यां प्राङ्मुख इन्दीवराभो हेमाम्बरधरश्चतुर्भुजश्शङ्खचक्रधरस्सर्वाभरणसंयुक्तः कमलाभ्यां युक्तस्सुभद्रस्सुभद्रं सुमुखं सुखप्रदं सुखदर्शनमिति ।
v3.c20.s2.t3.3
दक्षिणे दक्षिणाभिमुखो नारसिंहः श्वेताभो रक्तवस्त्रधरश्चतुर्भुजश्शङ्खचक्रधरोऽभयव्यवलम्बितहस्तस्सिंहाननः श्रीभूमिसहितो नारसिंहो नारसिंहं तपोनाथं महाविष्णुं महाबलमिति ।
v3.c20.s2.t3.4
नैरृत्यां पश्चिमाभिमुखो हेमाभः श्यामाम्बरधरश्चतुर्भुजः शङ्खचक्रधरः किरीटाद्याभरणान्वितः पद्मास्थिराभ्यां युक्त ईशितात्मा ईशितामेशं वरदं सर्वेषां ईशितात्मानमिति ।
v3.c20.s2.t3.5
पश्चिमे पश्चिमाभिमुखो वामनो ब्रह्मचारी वकुलफलाभो द्विभुजश्चत्रदण्डधरस्मेखलः कौपीनवासास्सपवीतकृष्णाजिनधरः पवित्रपाणिर्वामनो वामनं वरदं काश्यपमदितिप्रियमिति ।
v3.c20.s2.t3.6
वायव्ये पश्चिमाभिमुखो नीलाभः पीताम्बरधरो लक्ष्मीधरणीभ्यां युक्तस्सर्वोद्धस्सर्वेशं सर्वाधारं सर्वज्ञं सर्वोद्वहमिति ।
v3.c20.s2.t3.7
उत्तरे चोत्तराभिमुखस्त्रिविक्रमः श्यामाभश्चतुर्भुजः शङ्खचक्रधरः पीताम्बरधरो हारादिभूषितस्सुस्थितवामपादो ललाटान्तोद्धृतदक्षिणपाद उद्धृतपादे प्रसारितदक्षिणहस्तः कट्यवलम्बितवामहस्तस्त्रिविक्रमस्त्रिविक्रमं त्रिलोकेशं सर्वाधारं वैकुण्ठमिति ।
v3.c20.s2.t3.8
ऐशान्यां प्राङ्मुखो रक्ताभश्श्यामाम्बरधरः कनकाश्यामाभ्यां सहितस्सर्वविद्येश्वरस्सर्वविद्येश्वरं पुण्यं शुद्धं ज्ञानमिति ।
v3.c20.s2.t3.9
पुरुषादीनामुक्तं सर्वं विष्णोरिवेति विज्ञायते ।
Cites (5)
- Sarwadharma (1191 Śaka) — Old Javanese
- Narasiṃha — Sanskrit
- Subhadrā — Hastimalla, Sanskrit
- Mahābalasūtra — Sanskrit
- Vāmanopapurāṇa — Sanskrit