Elements of Hindu Iconography v3.c22.s5.t5: लक्ष्मीनारायणौ ।
Elements of Hindu Iconography v3.c22.s5.t5
- Language
- English
लक्ष्मीनारायणौ ।
v3.c22.s5.t5.1
लक्ष्मीनारायणौ कार्यौ संयुक्तौ दिव्यरूपिणौ । दक्षिणस्था विभोमूर्तिर्लक्ष्मीमूर्तिस्तु वामतः ॥
v3.c22.s5.t5.2
दक्षिणः कण्ठलग्नोऽस्या वामे हस्तस्सरोजभृत् । विभोर्वामकरो लक्ष्म्याः कुक्षिभागस्थितस्सदा ॥
v3.c22.s5.t5.3
सर्वावयवसंपूर्णा सर्वालङ्कारभूषिता । सुष्ठुनेत्रकपलास्या रूपयौवनसंयुता ॥
v3.c22.s5.t5.4
सिद्धिः कार्या समीपस्था चामरग्राहिणी शुभा । कर्तव्यं वाहनं सव्ये देवाधोभागगं सदा ॥
v3.c22.s5.t5.5
शङ्खचक्रधरौ तस्य द्वौ कार्यौ पुरुषौ पुरः । वामनौ हारकेयूरकिरीटमणिभूषणौ ॥
v3.c22.s5.t5.6
उपासकौ समीपस्थौ प्रभोर्ब्रह्मशिवात्मकौ । रशनां योगपट्टं च शिखामञ्जलिमास्थितौ ॥
v3.c22.s5.t5.7
(विश्वकर्मशास्त्रे ॥)
v3.c22.s5.t5.8
उभौ च द्विभुजौ कुर्याल्लक्ष्मीं नारायणाश्रिताम् । देवं शस्त्रैस्स्वकीयैश्च गरुडोपरि संस्थितम् ॥
v3.c22.s5.t5.9
दक्षिणः कण्ठलग्नोऽस्या वामो हस्तस्सरोजधृक् । विभोर्वामकरो लक्ष्म्याः कुक्षिभागस्थितस्सदा ॥ सर्वेषामेव देवानामेवं युग्मं विधीयते । तेषां शक्तिः पृथग्रूपा तदस्त्रवाहनाकृतिः ॥
v3.c22.s5.t5.10
(रूपमण्डने ॥)
v3.c22.s5.t5.11
हयग्रीवः ।
v3.c22.s5.t5.12
मूर्तिमान्पृथिवीहस्तन्यस्तपादसितच्छविः । नीलाम्बरधरः कार्यो देवो हयशिरोधरः ॥ विद्यात्संकर्षणंशेन देवो हयशिरोधरः । कर्तव्योऽष्टभुजो देवस्तत्करेष्ु चतुर्ध्वथ ॥ शङ्खं चक्रं गदां पद्मं स्वाकारं कारयेद्बुधः । चत्वारश्च कराः कार्या वेदानां देहधारिणाम् ॥ देवेन मूर्ध्नि विन्यस्तास्सर्वाभरणधारिणः ।
v3.c22.s5.t5.13
नरनारायणहरिकृष्णाः ।
v3.c22.s5.t5.14
दूर्वाश्यामो नरः कार्यो द्विभुजश्च महाबलः । नारायणश्चतुर्बाहुर्नीलोत्पलदलच्छविः ॥ तयोर्मध्ये तु बदरी कार्या फलविभूषणा । बर्यामवनौ कार्याक्षमालाधरावुभौ ॥
v3.c22.s5.t5.15
अष्टचक्रे स्थितौ याने सूतयुक्ते मनोरमे । कृष्णाजिनधरौ दान्तौ जटामण्डलधारिणौ ॥ पादेन चैकेन रथस्थितेन पादेन चैकेन च जानुगेन । कार्यौ हरिश्चात्र नरेण तुल्यः कृष्णोऽपि नारायणतुल्यमूर्तिः ॥ (विष्णुधर्मोत्तरे ॥)
Cites (2)
- Viṣṇudharmottarapurāṇa — Sanskrit
- Rūpamaṇḍana — Maṇḍana, Sanskrit