Buddha: His Life, his Doctrine, his Order c11.s2.61

Language: English

c11.s2.61.1

viharâmîti pavediti tassa dhammassa sacchikiriyâya padaheyyan ti. so kho aham bhikkhave na cirass' eva khippam eva tam dhammam sayam abhiññâ sacchikatvâ upasampajja vihâsim. atha khv âham bhikkhave yena Âlâro K. ten' upasamkamim, upasamkamitvâ Âlâram K. etad avocam: ettâvatâ no âvuso Kâlâma imam dhammam sayam abhiññâ sacchikatvâ upasampajja pavedesîti. ettâvatâ kho âvuso imam dhammam sayam abhiññâ sacchikatvâ upasampajja pavadesîti (pavedemîti ?). aham pi kho âvuso ettâvatâ imam dhammam sayam abhiññâ sacchikatvâ upasampajja viharâmîti. lâbhâ no âvuso suladdham no âvuso ye mayam âyasmantam tâdisam sabrahmacârim passâma, iti yâham dhammam sayam abh. s. upasampajja pavedemi tam tvam dhammam sayam abh. s. upasampajja viharasi, yam tvam dhammam sayam abh. s. upasampajja viharasi tam aham dhammam sayam abh. s. upas. pavedemi, iti yâham dhammam jânâmi tam tvam dhammam jânâsi, yam tvam dhammam jânâsi tam aham dhammam jânâmi, iti yâdiso aham tâdiso tvam, yâdiso tvam tâdiso aham. ehi dâni âvuso ubho 'va santâ imam ganam pariharâmâ 'ti. iti kho bhikkhave Âlâro Kâlâmo âcariyo me samâno antevâsim samânam attano samasamam thapesi ulârâya ca mam pûjâya pûjesi. tassa mayham bhikkhave etad ahosi: nâyam dhammo nibbidâya na virâgâya na nirodhâya na upasamâya na abhiññâya na sambodhâya na nibbânâya samvattati yâvad eva âkiñcaññâyatanûpapattiyâ 'ti. so kho aham bhikkhave tam dhammam analamkaritvâ tasmâ dhammâ nibbijja pakkamim.

c11.s2.61.2

so kho aham bhikkhave kimkusalagavesî anuttaram santivarapadam pariyesamâna yena Uddako Râmaputto ten' upasamkamim, upasamkamitvâ Uddakam Râmaputtam etad avocam: icchâham âvuso imasmim dhammavinaye brahmacariyam caritun ti. evam vutte bhikkhave Uddako Râmaputto mam etad avoca: viharâyasma, tâdiso ayam dhammo yattha viññû puriso na cirass' eva sakam âcariyakam sayam abhiññâ sacchikatvâ upasampajja vihareyyâ 'ti. so kho aham bhikkhave na cirass' eva khippam eva tam dhammam pariyâpunim. so kho aham bhikkhave tâvataken' eva otthapahatamattena lapitalâpanattena ñânâ (sic) vadâmi theravâdañ ca jânâmi passâmîti patijânâmi ahañ c'eva aññesam ca (sic). tassa mayham bhikkhave etad ahosi: na kho Râmo imam dhammam kevalam sabbâmantakena (sic) sayam abhiññâ sacchikatvâ upasampajja viharâmîti pavedesi, addhâ Râmo imam dhammam jânam passam vihâsîti. atha khv âham bhikkhave yena Uddako Râmaputto ten’ upasamkamim, upasamkamitvâ Uddakam Râmaputtam etad avocam: kittâvatâ no âvuso Râmo (sic) imam dhammam sayam abhiññâ sacchikatvâ upasampajja pavedesîti. evam vutte bhikkhave Uddako Râmaputto nevasaññânâsaññâyatanam pavedesi. tassa mayham bhikkhave etad ahosi: na kho Râmass’ eva ahosi saddhâ mayham p’atthi saddhâ (etc., the following, as above, is the story of Âlâra Kâlâma. Râmaputta finally says): ehi dâni âvuso tvam imam ganam pariharâ ’ti. iti kho bhikkhave Uddako Râmaputto sabrahmacârî samâno âcariyatthâne mamam thapesi ulârâya ca mam pûjâya pûjesi.

c11.s2.61.3

tassa mayham bhikkhave etad ahosi: nâyam dhammo nibbidâya . . . samvattati yâvad eva nevasaññânâsaññâyatanûpapattiyâ ’ti. so kho aham bhikkhave tam dhammam analamkaritvâ tasmâ dhammâ nibbijja pakkamim. so kho aham bhikkhave kimkusalagavesî anuttaram santivarapadam pariyesamâno Magadhesu anupubbena cârikam caramâno yena Uruvelâ senânigamo tad avasarim. tatth’ addasam ramanîyam bhûmibhâgam pâsâdikam ca vanasandam nadim ca sandantim setakam supatittham ramanîyam samantâ ca gocaragâmam. tassa mayham bhikkhave etad ahosi: ramanîyo vata bho bhûmibhâgo pâsâdiko ca vanasando nadî ca sandati setakâ supatitthâ ramanîyâ samantâ gocaragâmo alam ca tidam (sic) kulaputtassa padhânatthikassa padhânâyâ ’ti. so kho aham bhikkhave attanâ jâtidhammo (. . . jarâdhammo, vyâdhidhammo, maranadhammo, sokadhammo, samkilesadhammo . . .) samâno jâtidhamme (. . . jarâdhamme, etc.) âdînavam viditvâ ajâtam (. . . ajaram etc.) yogakkhemam nibbânam pariyesamâno ajâtam anuttaram yogakkhemam ajjhagamam . . . asamkilittham anuttaram yogakkhemam nibbânam ajjhagamam; ñânañ ca pana me dassanam udapâdi: akuppâ me cetovimutti, ayam antimâ jâti, n’ atthi dâni punabbhavo ’ti. tassa mayham bhikkhave etad ahosi: adhigato kho me, etc. (vide “Mahavagga,” i, 5, 2).