[Pramāṇa](https://indike.org/pramana/) › [Studies](https://indike.org/pramana/ins) › [Science, technology and education](https://indike.org/pramana/ins.science) › [Census of the Exact Sciences in Sanskrit, Series A](https://indike.org/pramana/ins.science.pingree-1970) › v2.c10.1703 # Census of the Exact Sciences in Sanskrit, Series A v2.c10.1703 Census of the Exact Sciences in Sanskrit, Series A v2.c10.1703 - **Language:** English ### [v2.c10.1703](https://indike.org/pramana/ins.science.pingree-1970.v2.c10.1703) gauḍorvīśāśirovibhūṣaṇamaṇir gopāladāso ᵒbhavan māndhātety abhirakṣitā hy alabhata khyātiṃ sa dillīśvarāt/ tatputro vijayī manoharanṛpo vidyotate sarvadā dānair yena ca dānakhaṇḍavihitair viśveśvaras toṣyate//1// gāmbhīryaprauḍhagauḍānvayakumudagaṇānandicandrābhirāmaḥ proddāmasvacchakirtivratatipihitadiṅmaṇḍalimaṇḍanaśrīḥ/ bhūyaḥ satpātradānapraṇayaśataguṇasvarṇapūrṇātisārthaḥ sarvārthāvāptidhanyo jagati vijayate mānabhūmīśvaro ᵒyam//2// prītyāpūpujad īśapārthivatanūrāvṛttibhiḥ koṭiśo yo ᵒkārṣīt kanakena ṣoḍaśa mahādānān yathānyān api/ yo dhenūr daśa parvatāṃś ca vidhivat prādād dvijebhyo mudā so ᵒyam gauḍamanoharo narapatir varvartu sarvottaraḥ//3// yo mūrtis turuṣṭamasya tapasāṃ puṇyasya pūroccayo gauḍaprauḍhamanoharendranṛpater ānandakāṅkuraḥ/ eko nāyakavat priyaḥ svasuhṛdāṃ nārīḍṛśāṃ kāmavad rājaty uttamarāma eṣa suciraṃ śrīmān kumārāgraṇiḥ//4// śauryoddāmalasatpratāpataṇaprauḍhadviṣadghātaḥ sarvārthī vratakalpavṛkṣasahitaḥ kandarpatulyākṛtiḥ/ gauḍorvīśamanoharakṣitipater vaṃśāmbujodyotakaḥ śrīmān uttamarāma eṣa yuvarāḍ bhāsvān iva bhrājate//5// śauryodāryasutīkṣṇadhīradhiṣaṇā gāmbhīryaśāstrajñatā/ devabrāhmaṇasadgurupraṇayitā vaśyātmajā saṃpadām//6// śrīśambhūpūjanasudhāparipūrṇamūrter gauḍādhināyakamanoharasindhusārāt/ puṇyaprakāśapuruṣottamasimharatnād udyotasimha udito ᵒbhudayī vibhāti//7// saujanyāmṛtasindhur indumahimāsauhārdaratnākaraḥ sāhityādikalalāpakuśalaḥ śaicaprabhāvojjvalaḥ/ gauḍorvīśamanoharendranṛpateḥ sūnuḥ kumāraḥ prabhuḥ lakṣmīrāmakumāra eṣa jayati gauḍapratāpojjvalaḥ//8// anvikṣiyāṃ dhiṣaṇanipuṇo daṇḍanīyām pracaṇḍo vārtāvṛttau sahajakaśalo dharmadharmādhigāmī/ ṣāḍguṇyādiprakṛtivihito pāpacāturyadhuryo lakṣmīrāmaḥ śivapadarataḥ pūrṇakāmo vibhāti//9// toṣād eṣām nikhilajanatānandanam grantharatnam jyotirdiptam prakaraṇagaṇair bhūribhedair vyadhāyi/ sāroddhāraṃ gaṇapatividā cārugumphaṃ suvarṇai ratnaṃ pūrṇaṃ sakalaviduṣāṃ karṇayor bhūṣaṇāya//10// yo janyair gurjareṣu dvijakulamahito divyajātīsahasraḥ sacchīlo rāvalākhyaḥ sakalanṛpatibhiḥ pūjitaḥ ślāghyalakṣmīḥ/ bhāradvājasya gotre kṛtavimalayāśā brahmaṇiṣṭho variṣṭho brahmarṣikhyātanāmāpara iva bhagavān śrīvasiṣṭho gariṣṭhaḥ//11// śaradvimalacandrikāprathitakāntipūrodadhau yadīyayaśasāmbharair daśadiśo ’bhavann ujjvalāḥ/ sutaṃ khalu yaśodharam kuladharam śubhasyādārāt sadāptaharidarśanam budhajanā gudāvivadan//12// āsit tasyātmajanmā nigamaparadṛśā rāmadāso nivāso yaḥ praśnadeśavāgbhir viracayati khilaṃ bhūpacakraṃ svavāsye/ cūḍāratnapradīpair avanitalabhujāṃ nityanirājitānghrir vidyāvidyotamāno vapuṣi pariṇate prāpya kāśīṃ vimuktām//13// tasyāsit tanayo ’mbubher iva vidhuḥ śrautāhitāgniḥ sadā śānto dānta udaradhīḥ sutapasā prāptānubhavāgraṇiḥ/ kāśīṃ prāpya vimuktasarvakaluṣo daivajñatātattvavit svātmajño hariśaṅkaro munivaro ’dvaid yathārthābhidhaḥ//14// tasyātmajaḥ sakalaśāstrakalaprāvīṇo jyotirvidaḥ śrutividaś ca guroḥ prasādāt/ grantham muhūrtagaṇapatyabhidham vidhāya prītyārpayac civapade gaṇapatyabhikhyaḥ//15// - [Previous: v2.c10.1702](https://indike.org/pramana/ins.science.pingree-1970.v2.c10.1702) - [Next: v2.c10.1704](https://indike.org/pramana/ins.science.pingree-1970.v2.c10.1704) - [Up: v2.c10](https://indike.org/pramana/ins.science.pingree-1970.v2.c10) --- Source: [https://indike.org/pramana/ins.science.pingree-1970.v2.c10.1703](https://indike.org/pramana/ins.science.pingree-1970.v2.c10.1703) · Pramāṇa