Rasacandrika p136

p136

pānthaḥ svapnadaśāṃ gataḥ priyatamāmāliṅgya vaktrāsavaṃ pātuṃ yāvadiyeṣa tāvadasamairmeghasvanairbodhitaḥ | prāgaṅke śayane tato'vanitale paryaiṣayanpreyasīṃ bhutāveśamitaḥ kileti (1)samayāsīnarjanaiḥ stambhitaḥ || nidrāpagamahetubhyaḥ prabodhaścetanāgamaḥ | jṛmbhāṅgabhaṅganayanonmīlanāṅgāvalokakṛt || taduktam-āhārāpariṇāmācchabdasparśādibhiśca sambhūtaḥ | pratibodhastvabhinayo jṛmbhaṇaparicedanākṣipavimardeḥ || yathā-pratyagronmeṣajihmā kṣaṇamanabhimukhī ratnadīpaprabhāṇāmātmavyāpāragurvī janitajalalavā jṛmbhaṇaiḥ sāṅgabhaṅgaiḥ || nāṅgāṅgaṃ moktumicchoḥ śayanamuruphaṇācakravālopadhānaṃ nidrācchedābhitāmrā ciramavatu harerdṛṣṭirākekarā vaḥ || adhikṣepāpamānāderamarṣo'bhiniviṣṭatā | tatra svedaśiraḥkampanetrarāgāṅgavikriyāḥ || taduktam-ākṣiptānāṃ sabhāmadhye vidyaiśvaryabalādhikaiḥ | nṛṇāmutsāhasampanno hyamarṣo nāma jāyate || utsāhādhyavasānābhyāmadhomukhavicintanaiḥ | śiraḥprakampasvedādyaistaṃ prayuñjīta nāṭyavit || yathā-piturmūrdhni spṛṣṭe jvaladanalabhāsvatparaśunā kṛtaṃ yadrāmeṇa śrutimupagataṃ kinna bhavatām || kimadyāśvatthāmā tadarirudhirāsāravighasaṃ