Rasacandrika p141
Rasacandrikā p141
- Language
- Sanskrit
p141
jvaro'tra saśītaḥ sadāhaśca | kāvyeṣu dvitīya eva | tasya śītābhilāṣādayo'nubhāvāḥ | yathā— (1)visavva visakandalī visaharavva hāracchaḍā visāggimiva appaṇā kirai tālavaṃṭāṇilo | tahāa karaṇiggaaṃ jalai jaṃtadhārājalaṃ na caṃdaṇamaho sahī harai dehadāhaṃ a me || sannipātagrahādibhya unmādaścittavibhramaḥ | taduktam— iṣṭajanavibhavanāśādabhighātādvātapittakaphakopāt | vividhāccittavikārādunmādo nāma sambhavati || animittahasitaruditopaviṣṭagītapradhāvitotkṛṣṭaiḥ | anyairvikārajātairunmādaṃ samprayuñjīta || asya vyādhitve'pi pṛthagupādānaṃ vyādhyantarāpekṣayā vaicitryaviśeṣasūcanārtham | yathā— (2)avalaṃbaha māsaṃkaha māigahalaṃghiā paribbhamai | attatthagajjiubbhaṃtasuṇṇahiaā pahiajāā || rogādibhiḥ prāgavasthā maraṇasya mṛtirbhavet | mukhyasya bhāvatvānupapatteḥ