Rasacandrika p17

p17

dvitīyā yathā — nāthe'niśaṃ nijanivāsasamīpanīpamucchettumādiśati saṃsadi sevakebhyaḥ | khinnā vadhūḥ sakhi ! sadaiva sadaivato'yamukteti taṃ sapadi pūjayituṃ pratasthe || anyairjñātopanāyakānurāgā lakṣitā | yathā— (1)diṭṭhīajaṃ ṇa diṭṭho saralasahāvāi jaṃ aṇālavio | uaāro jaṃ ṇa kao taṃcia kaliaṃ chaillehiṃ || (2)pariṇītatve sati anekānurāgiṇī kulaṭā | yathā— pṛthvī tāvattrikoṇā naganagaragirigrāmaruddhaṃ tadarddhaṃ tatrāpyarddhaṃ yuvatayaḥ śiśuvigatavayodūṣitaṃ yattadarddham | tyājyāstatrāpi putraśvaśuragurujanāḥ śeṣavantaḥ kiyanto mithyāvādo janānāṃ mukharamukharavaḥ puṃścalī puṃścalīti || saṅketavighaṭanaduḥkhavatyanuśayyānā | sā ca tridhā | svavirahitasaṅketasthāne nāyakagamanajñānavatī, saṅketasthānasya svarūpato vighaṭanajñānavatī' bhāvisaṃṅketasthānābhāvaśaṅkāvatī ceti | ādyā yathā— grāmataruṇaṃ taruṇyā navavajjulamañjarīsanāthakaram | paśyantyā bhavati muhurnitarāṃ malinā mukhacchāyā || dvitīyā yathā— (3)vāhittā paḍivaaṇaṃ ṇa dei rusai ekkamekassa | ajjā kajjeṇa viṇā palippamāṇe ṇaīkacche