Rasacandrika p33

p33

kecittu-parastriyau kanyakoḍhe saṅketātpūrvaṃ virahotkaṇṭhite paścādvidūṣakādibhiḥ sahābhisarantyāvabhisārike kuto'pi saṅketasthānamaprāpte nāyake vipralabdhe iti trividhe eva | tayorasvādhīnapriyayoravasthāntarānupapatterityāhuḥ | tanna, khaṇḍitādibhedānāmapi vakṣyamāṇarītyopapatteḥ sakhyādidvārā priyāgamanādiniścaye bādhakābhāvāditi dik | aṣṭabhedānāha-bhagavān bharataḥtatra vāsakasajjā ca virahotkaṇṭhitāpi vā | svādhīnabhartṛkā vāpi kalahāntaritāpi vā || khaṇḍitā vipralabdhā vā tathā proṣitabhartṛkā | tathābhisārikā caiva ityaṣṭau nāyikāḥ smṛtāḥ