Rasasudhakara 1.68

1.68

yathā -
nanu vajriṇa eva vīryyametad vijayante dviṣato yadasya pakṣyāḥ
vasudhādharakandarād visarpī pratiśabdo'pi harerbhinatti nāgān
atha kṛtajñatvaṃ -
kṛtānāmupakārāṇāmabhijñatvaṃ kṛtajñatā
yathā -
ekasyaivopakārasya prāṇān dāsyāmi te kape !
pratyahaṃ kriyamāṇasya śeṣasya ṛṇino vayam
atha nayajñatvaṃ -
sāmādyupāyacāturyyaṃ nayajñatvamudāhṛtam