Rasasudhakara 1.75

1.75

tatra dayāvattvaṃ yathā —
saśoṇitaistena śilīmukhāgrairnikṣepitāḥ ketuṣu pārthivānām
yaśo hṛtaṃ saṃyati rāghaveṇa
na jīvitaṃ vaḥ kṛpayāti varṇāḥ
gāmbhīryamavikāraḥ syāt satyapi kṣobhakāraṇe
dadhato maṅgalakṣaume vasānasya ca valkale
dadṛśurvismitāstasya mukharāgaṃ samaṃ janāḥ
avaloka eva nṛpateḥ sma dūrato
rabhasādrathādavatarītumicchataḥ
avatīrṇavān prathamamātmanā harirvinayaṃ viśeṣayati sambhrameṇa saḥ
utsmayitvā mahābāhuḥ prekṣya cāsthi mahābalaḥ
padāṅguṣṭhena cikṣepa sampūrṇaṃ daśayojanam
tamaśakyamapākraṣṭuṃ nideśāt svargiṇaḥ pituḥ
yayāce pāduke paścāt kartuṃ rājyādhidevate
prativācamadatta keśavaḥ śapamānāya na cedibhūbhuje
anu huṅkurute ghanadhvaniṃ na tu gomāyurutāni kesarī
atha dhīralalitaḥ—
niścinto dhīralalitastaruṇo vanitāvaśaḥ