Rasasudhakara 2.169

2.169

nātirajyati kāntasya saṅgame kintu rajyati
yathā -vistārī stanabhāra eṣa gamito na svocitāmunnatiṃ
rekhollāsi tathā valitrayamidaṃ na spaṣṭanimnonnatam
madhye'syā ṛjurāyatārdhakapiśā romāvalī dṛśyate
ramyaṃ śaiśavayauvanavyatikaronmiśraṃ vapurvartate
asyāśceṣṭā yathā mamaivaāvirbhavatprathamadarśanasādhvasāni
sāvajñamāhṛtasakhījanajalpitāni
savyājakopamadhurāṇi gireḥ sutāyā
vaḥ pāntu nūtanasamāgamaceṣṭitāni
atha dvitīyayauvanaṃ -
stanau pīnau tanurmadhyaḥ pāṇipādasya raktimā