Rasasudhakara 2.204

Rasasudhākara 2.204

Language: Sanskrit

2.204

yathā'cakāra kācit sitacandanāṅke kāñcīkalāpaṃ stanabhārayugme
priyaṃ prati preṣitadṛṣṭiranyā nitambabimbe ca babandha hāram ||'
atha kilikiñcitaṃ -
śokaroṣāśruharṣādeḥ saṅkaraḥ kilikiñcitam
yathā-'uktaṃ śrutaṃ dyūtapaṇaṃ sakhībhyo vivakṣati preyasi kuñcitabhrūḥ
kaṇṭhaṃ karābhyāmavalambya tasya mukhaṃ pidhatte sma kapolakena ||'
yathā vā-'ratikrīḍādyūte kathamapi samāsādya samayaṃ
mayā labdhe tasyāḥ kvaṇitakalakaṇṭhārdhamadhare
kṛtabhrūbhaṅgāsau prakaṭitavilakṣārdharuditaṃ
smitakrodhodbhrāntaṃ punarapi nidadhyānmayi mukham ||'
atha moṭṭāyitaṃsvābhilāṣaprakaṭanaṃ moṭṭāyitamitīritam

Previous: 2.203
Next: 2.205
Up: 2

Linked texts (3)

Rasārṇavasudhākara — Siṃhabhūpāla, Sanskrit
Alaṅkārasaṅgraha — Amṛtānandayogin, Sanskrit
Alaṅkāramahodadhi — Narendraprabha, Sanskrit