Rasasudhakara 3.308

3.308

harṣeṇa trāsena ca yathā —
‘tadaṅgamānandajaḍena doṣṇā
pitā sabrāṇavraṇamāmamarśa
niḥśvasya niḥśvasya muhuśca dīrghaṃ
prasūḥ karābhyāṃ bhayakampitābhyām ||’
jarayā yathā —
‘ruddhānayā bahumukhī gati(mi?ri)ndriyāṇāṃ
baddhveva gāḍhamanayā jarayopagūḍhaḥ
aṅgena vepathumatā jaḍatāyujāhaṃ
gantuṃ padādapi padaṃ gadituṃ ca nālam ||’
krodhena yathā —
‘ruṣā samādhmātamagendratuṅgaṃ
na kevalaṃ tasya vapuścakampe
sasindhubhūbhṛdgaganā ca pṛthvī
nipātitolkā ca satārakā dyauḥ ||’
atha vaivarṇyaṃ—
viṣādātaparoṣāyairvaivarṇyamupajāyate
mukhavarṇaparāvṛttikāśaryādyāstatra vikriyāḥ