Rasasudhakara 4.113

Rasasudhākara 4.113

Language: Sanskrit

4.113

yatra dravatyantaraṅgaṃ sa sneha iti kathyate
darśanena yathā kandarpasambhave mamaiva —
‘ubhe tadānīmubhayostu citte
kaṭūṣṇaniḥśvāsacariṣṇukena
ekīkariṣyannurāgaśilpī
rāgoṣmaṇaiva dravatāmanaiṣīt ||’
atra lakṣmīnārāyaṇayoranyonyadarśanenāntaḥkaraṇadravībhāvaḥ
sparśanena yathā —
‘gāḍhāliṅganavāmanīkṛtakucaprodbhinnaromodgamā
sāndrasneharasātirekavigalacchromannitambāmbarā
mā mā mānada! māti māmalamiti kṣāmākṣarollāpinī
suptā kinnu mṛtā nu kiṃ manasi me līnā vilīnā nu kim ||’
sa tredhā kathyate prauḍhamadhyamandavibhedataḥ

Previous: 4.112
Next: 4.114
Up: 4

Linked texts (5)

Rasārṇavasudhākara — Siṃhabhūpāla, Sanskrit
Ujjvalanīlamaṇi — Rūpa Gosvāmin 1540, Sanskrit
Amaruśataka — Amaru, Sanskrit
Kāvyasaṅgraha — Sanskrit
Rasaratnadīpikā (Allarāja) — Allarāja, Sanskrit