Rasasudhakara 4.124

4.124

dṛṣṭervikāso nāsoṣṭhakapolaspandanādayaḥ
bhāṣāvikāro bhāṣaṇāsambandhatvādiḥ | ākṛtivikṛtirativāmanatvadanturatvādiḥ | veṣavikāro viruddhālaṅkārakalpanā | kriyāvikāro vikaṭagatitvādiḥ | eṣāmudāharaṇāni
kaiśikyāṃ śuddhahāsyaje narmaṇi nirūpitāni draṣṭavyāni
laulyād yathā —
‘bāleyataṇḍulavilopakadarśitābhiretābhiragniśaraṇeṣu sadharmiṇībhiḥ
uttāsahetumapi daṇḍamudasyamānamāghrātumicchati mṛge munayo hasanti ||’
atra mṛgāṇāṃ santrāsanayaṣṭisamāghrāṇanalaulyena munīnāṃ hāsaḥ | parānukaraṇena yathā —
‘pi pi priya! sa sa svayaṃ mu mu mukhāsavaṃ dehi me
ta ta tyaja du du drutaṃ bha bha bha bhājanaṃ kāñcanam
iti skhalitajalpitaṃ madavaśāt kuraṅgīdṛśaḥ
prage hasitahetave sahacarībhiradhyaiyata ||'
śaktidhairyasahāyādyaiḥ phalaślāghyeṣu karmasu