Rasasudhakara 4.132

Rasasudhākara 4.132

Language: Sanskrit

4.132

vadhena śatruviṣayakrodho yathā—
'kṛtamanumataṃ dṛṣṭaṃ vā yairidaṃ gurupātakaṃ
manujapaśubhinirmaryādairbhavadbhirudāyudhaiḥ
narakaripuṇā sārdhaṃ teṣāṃ sabhīmakirīṭināmayamahamasṛṅmedomāṃsaiḥ karomi diśāṃ balim ||'
avajñayā śatruviṣayakrodho yathā—
'śrutiśikharaniṣadyāvedyamānaprabhāvaṃ
paśupatimavamantuṃ ceṣṭate yasya buddhiḥ
pralayaśamanadaṇḍocchaṇḍimā tasya so'haṃ
śirasi caraṇamenaṃ pātayāmi trivāram ||'
atra paraśurāmeṇeśvarāvajñayā janito dadhīcikrodhaḥ
paruṣavāgārambheṇa vyajyate
bhṛtyakrodhe tu ceṣṭāḥ syustarjanaṃ mūrdha1dhūnanam
nirbhartsanaṃ ca bahudhā muhurnirvarṇanādayaḥ

Previous: 4.131
Next: 4.133
Up: 4

Linked texts (1)

Rasārṇavasudhākara — Siṃhabhūpāla, Sanskrit