Rasasudhakara 4.149

4.149

ahṛdyadarśanād yathā —
'niṣṭaptasvidyadasthnaḥ kvathanapariṇamanmedasaḥ pretakāyān
dṛṣṭvā saṃsaktadhūmrānapi kuṇapabhujo bhūyasībhyaścitābhyaḥ
utpakvasraṃsi māṃsapracayamubhayataḥ sandhinnirmuktamārādete niścūṣya jaṅghānalakamudayinīrmajjadhārāḥ pibanti ||'
śravaṇād yathā —
'medomajjāśoṇitaiḥ picchile'ntastvakpracchanne snāyubaddhāsthisandhau
sādhurdehe karmacaṇḍālagehe
badhnātyudyatpūtigandhe ratiṃ kaḥ ||'
atra kasyacid vastutattvavicārāgamaśravaṇajanitā dehe
jugupsārūpā nindā vyajyate
atha bhayaṃ —
bhayaṃ tu mantunā ghoradarśanaśravaṇādibhiḥ
cittasyātīva cāñcalyaṃ tat prāyo nīcamadhyayoḥ